ក្រុមមន្ត្រីបាននិយាយកាលពីថ្ងៃសៅរ៍ (១២សីហា)ថា ចំនួនអ្នកស្លាប់ដោយសារចំហេះព្រៃកោះ ម៉ូអ៊ី រដ្ឋហាវ៉ៃ ឥឡូវនេះ មានចំនួន៨៩នាក់ ដែល​ធ្វើ​ឱ្យ​ព្រឹត្តិ​ការណ៍​នេះ​ក្លាយ​ជា​ចំហេះ​ព្រៃ​ដ៏​មហន្តរាយ​បំផុត​របស់​​សហរដ្ឋអាមេរិក ក្នុងរយៈពេលជាងមួយសតវត្សមក។ អភិបាលរដ្ឋ លោក Josh Green បាន​ព្រមាន​នៅ​ក្នុង​សន្និសីទសារព័ត៌មានមួយកាលពីរសៀលថ្ងៃសៅរ៍ថា ចំនួនអ្នកស្លាប់នឹងបន្តកើនឡើង ខណៈដែល​សាក​សព​កាន់​តែច្រើនត្រូវបានគេរកឃើញ។

ទំហំនៃការខូចខាត បានឈានដល់ការផ្តោតខ្លាំងជាងមុនកាលពីថ្ងៃសៅរ៍ ខណៈ​ដែល​ក្រុម​ស្វែង​រក​ជាមួយ​នឹង​សត្វ​សុនខ cadaver បានចុះស្វែងរកតាមទីតាំងនានារបស់តំបន់ឡាហេណា ដែលត្រូវ​បាន​បំផ្លិច​បំផ្លាញ​ រយៈពេលបួនថ្ងៃបន្ទាប់ពីចំហេះរាលដាលយ៉ាងលឿន បានឆាប​ឆេះ​ទីក្រុង​រមណីយដ្ឋាន​ប្រវត្តិសាស្ត្រ​នេះ​ បំផ្លាញអគារ និងទ្រព្យសម្បត្តិប្រជាជនជាច្រើនទៀត។

យោងតាមទីភ្នាក់ងារគ្រប់គ្រងគ្រោះអាសន្នសហព័ន្ធ (FEMA) បានឱ្យដឹងថា ការចំណាយ​លើ​ការ​កសាង​ទីក្រុង ឡាហេណា ឡើងវិញត្រូវបានប៉ាន់ប្រមាណថា មានចំនួន៥,៥ពាន់លានដុល្លារ ដោយ​មាន​រចនា​សម្ព័ន្ធ​ជាង​២.២០០ទីតាំង ត្រូវបានខូចខាត ឬបំផ្លាញ និង​ទំហំ​ផ្ទៃ​ដី​ជាង​២.១០០​ហិកតា​ត្រូវ​បាន​ដុត​បំផ្លាញ​៕