យោងតាមលោក Samantha Burgess នាយករងនៃទីភ្នាក់ងារសេវាបម្រែបម្រួលអាកាសធាតុ (C3S) ក្នុងអំឡុងពេលសម្ភាសន៍ជាមួយទូរទស្សន៍កណ្តាលចិន (CCTV) បានឱ្យដឹងថា បាតុភូត​អាកាសធាតុ អ៊ែលនីញ៉ូ នឹងជំរុញឱ្យសីតុណ្ហភាពពិភពលោកកាន់តែខ្ពស់ ហើយ​យើង​ទំនង​ជានឹងឃើញសីតុណ្ហភាពកម្រិតបំបែកកំណត់ត្រាបន្ថែមទៀតនៅឆ្នាំ២០២៣នេះ។

ទីភ្នាក់ងារ C3S ដែលជាសេវាមួយក្នុងចំណោមសេវាទាំងប្រាំមួយ ដែលផ្តល់​ដោយ​កម្ម​វិធី​អាកាស​ធាតុ Copernicus របស់សហភាពអឺរ៉ុប មានគោល​បំណង​ផ្តល់​ព័ត៌មាន​អនុញ្ញាត​អំពី​អាកាស​ធាតុ​អតីត​កាល បច្ចុប្បន្នកាល និងអនាគតកាលនៅអឺរ៉ុប ព្រមទាំងពិភពលោកទាំងមូលផងដែរ។

កាលពីដើមខែកក្កដាឆ្នាំនេះ អង្គការ​ឧតុនិយម​ពិភព​លោក​បាន​ចេញ​របាយការណ៍​បញ្ជាក់​ពី​វត្ត​មាន​លក្ខ​ខណ្ឌ​អាកាសធាតុ អ៊ែលនីញ៉ូ នៅក្នុងតំបន់​ត្រូពិច​ប៉ាស៊ីហ្វិក​ជាលើក​ដំបូង​ក្នុង​រយៈ​ពេល​ប្រាំ​ពីរ​ឆ្នាំ​ ហើយបាតុភូត អ៊ែលនីញ៉ូ នេះ ត្រូវបានគេសង្កេតឃើញនៅលើឆ្នេរសមុទ្រនៃប្រទេសប៉េរូ និង​អេក្វាឌ័រ។

យោងតាមទីភ្នាក់ងារ C3S កំណើននៃកំហាប់នៃឧស្ម័នផ្ទះកញ្ចក់នៅក្នុងបរិយាកាស គឺជា​កត្តា​ចម្បង​មួយ​ដែលរួមចំណែកដល់រលកកម្ដៅពិភពលោកក្នុងឆ្នាំនេះ ហើយផលប៉ះ​ពាល់​រយៈ​ពេល​វែង​នៃ​ការ​ដុតឥន្ធនៈហ្វូស៊ីល កំពុងផ្លាស់ប្តូរ​ការព្យាករណ៍​របស់​អ្នក​វិទ្យាសាស្ត្រ​អំពី​អាកាស​ធាតុ​ធ្ងន់ធ្ងរ​នាពេ​លអនាគត៕