​

ព្យុះទីហ្វុង Lan ទំនងនឹងបោកបក់ដល់ដីគោកនៅកោះ Honshu ជាកោះធំមួយនៅប្រទេសជប៉ុន នៅព្រឹកថ្ងៃអង្គារ។

មន្ត្រីអាកាសធាតុកំពុងណែនាំពលរដ្ឋនៅក្នុងតំបន់ Tokai និង តំបន់ Kinki ឲ្យមានការប្រុងប្រយ័ត្នសម្រាប់ភ្លៀងធ្លាក់ខ្លាំង។ ទីភ្នាក់ងារឧតុនិយមជប៉ុន បាននិយាយថា នៅត្រឹមម៉ោង៩ព្រឹកថ្ងៃចន្ទម៉ោងក្នុងតំបន់ ព្យុះទីហ្វុងដ៏ខ្លាំងកំពុងផ្លាស់ប្តូរទិសដៅទៅភាគពាយព្យ ជិតតំបន់ Cape Shionomisaki ក្នុងល្បឿន១៥គីឡូម៉ែត្រក្នុងមួយម៉ោង។

ព្យុះនេះមានល្បឿនខ្យល់រហូតដល់១៤៤គីឡូម៉ែត្រក្នុងមួយម៉ោង នៅជិតទីតាំងកណ្តាលរបស់វា និងមានសន្ទុះរហូតដល់១៩៨គីឡូម៉ែត្តក្នុងមួយម៉ោង។

ពពកភ្លៀងនៅជិតព្យុះទីហ្វុង កំពុងនាំមកនូវភ្លៀងធ្លាក់ខ្លាំងដល់តំបន់ធំទូលាយឆ្លងកាត់កោះ Shikoku រហូតដល់តំបន់ Kanto-Koshin ។

មន្ត្រីអាកាសធាតុ បានព្យាករណ៍ពីព្យុះរន្ទះសម្រាប់ឆ្នេសមុទ្រប៉ាស៊ីហ្វិកនៅប្រទេសជប៉ុនភាគខាងលិចនិងភាគខាងកើតរហូតដល់ថ្ងៃអង្គារ។ ពួកគេនិយាយថា ក្រុមពពកភ្លៀង ទំនងជានឹងបណ្តាលឲ្យមានភ្លៀងធ្លាក់ខ្លាំង អាចមានរហូតដល់ថ្ងៃអង្គារទៅលើតំបន់ Kanto-Koshin តំបន់Shikoku តំបន់Chugoku ព្រមទាំងតំបន់ Kinki និងតំបន់ Tokai ។

ក្រុមមន្ត្រីកំពុងជំរុញឲ្យមានការប្រុងប្រយ័ត្ន ខណៈឱកាសច្រើនមានកម្រិតខ្ពស់ដែលមានបំណាក់ដីនិងទឹកជំនន់គំរាមដល់អាយុជីវិត នឹងកើតមានឡើង។