កំពង់ធំ៖ អាជ្ញាធរខេត្តកំពង់ឆំ បានប្រកាសថា មនុស្ស ១៦នាក់ទៀត ត្រូវបានរកឃើញឆ្លងមេរោគកូវីដ-១៩ ភាគច្រើនជាកម្មការិនីរោងចក្រខាលីនតុន ដែលកំពុងផ្ទុះការឆ្លងមេរោគកូវីដ-១៩។
ក្នុងសេចក្ដីប្រកាសព័ត៌មានរបស់ខ្លួន រដ្ឋបាលខេត្តកំពង់ធំ បានបញ្ជាក់ថា ករណីឆ្លងថ្មីទាំងនេះ ត្រូវបានរកឃើញលើស្ត្រី ១៤នាក់ និងបុរស ២នាក់។
រដ្ឋបាលខេត្តកំពង់ធំ បានឱ្យដឹងទៀតថា ស្ត្រី ១២នាក់ និងបុរសម្នាក់ គឺជាកម្មករកម្មការិនីបម្រើការងារនៅរោងចក្រខាលីនតុន ស្ថិតនៅក្នុងស្រុកជើងព្រៃ ខេត្តកំពង់ចាម។ ចំណែកឯស្ត្រីម្នាក់ទៀត រដ្ឋបាលខេត្តនេះ បញ្ជាក់ថា បានឆ្លងមេរោគកូវីដ-១៩នេះ បន្ទាប់ពីប៉ះពាល់នឹងអ្នកជំងឺកូវីដ-១៩។
រដ្ឋបាលខេត្តកំពង់ធំ ក៏បានរកឃើញពល ការិនីខ្មែរម្នាក់ឆ្លងកូវីដ-១៩ផងដែរ បន្ទាប់ពីវិលត្រឡប់មកពីប្រទេសថៃ និងបុរសម្នាក់ទៀត ដែលបានធ្វើដំណើរវិលត្រឡប់ទៅពីភ្នំពេញ។
បើតាមរដ្ឋបាលខេត្តកំពង់ធំ អ្នកជំងឺកូវីដ-១៩ចំនួន ៣នាក់ទៀត ត្រូវបានអនុញ្ញាតឱ្យវិលត្រឡប់ទៅផ្ទះវិញហើយ ក្រោយជាសះស្បើយ។
គិតត្រឹមថ្ងៃនេះ ខេត្តកំពង់ធំរកឃើញមនុស្សសរុប ១៧៤នាក់បានឆ្លងកូវីដ-១៩ ក្នុងនោះអ្នកជំងឺចំនួន ៥៧នាក់ត្រូវបានព្យាបាលជាសះស្បើយ ខណៈអ្នកជំងឺកូវីដ-១៩ ចំនួន ១១៧នាក់ទៀត កំពុងស្ថិតក្រោមការព្យាបាលបន្ត៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
