ប៉ាឡេស្ទីន ៖ ប្រភពព័ត៌មានក្រុមវេជ្ជសាស្ត្រ បានប្រាប់សារព័ត៌មាន រ៉យទ័រថា អ្នកកាន់ទុក្ខជាច្រើននាក់ បានដើរក្បួនក្នុងពិធីដង្ហែសពនៅថ្ងៃអង្គារនេះ សម្រាប់ពលរដ្ឋប៉ាឡេស្ទីនម្នាក់ដែលត្រូវបានសម្លាប់ដោយកងកម្លាំងអ៊ីស្រាអែលក្នុងទីក្រុង Jericho តំបន់គ្រប់គ្រង West Bank។

កងកម្លាំងបានសម្លាប់ពលរដ្ឋប៉ាឡេស្ទីន២នាក់ បន្ទាប់ពីការវាយឆ្មក់មួយលើជំរំជនភៀសខ្លួន ក្នុងទីក្រុង Jericho ហើយពលរដ្ឋបានប្រាប់សារព័ត៌មានរ៉យទ័រថាមានការប៉ះទង្គិចប្រដាប់អាវុធ ប៉ុន្តែមិនច្បាស់នោះទេថាតើបុរសទាំងពីរនាក់នោះជាប់ពាក់ព័ន្ធក្នុងការប៉ះទង្គិចទាំងនេះឬយ៉ាងណានោះទេ។ 

អំពើហិង្សា នៅក្នុងតំបន់ West Bank ស្ថិតក្នុងចំណោមដែនដីនានា ដែលពលរដ្ឋប៉ាឡេស្ទីន ស្វះស្វែងបង្កើតរដ្ឋមួយ បានធ្វើឲ្យកាន់តែយ៉ាប់យ៉ឺនរយៈពេល១៥ខែកន្លងទៅនេះ ដោយមានការវាយឆ្មក់របស់អ៊ីស្រអែលដែលចេះតែកើនឡើង ការវាយប្រហារនៅតាមដងផ្លូវនៅប៉ាឡេស្ទីន និងការវាយប្រហារដោយអ្នកតាំងលំនៅជនជាតិជ្វីហ្វទៅលើភូមិរបស់ប៉ឡេស្ទីន។ 

អ៊ីស្រាអែលបានដណ្តើយកតំបន់ West Bank នៅក្នុងសង្គ្រាមមជ្ឈឹមបូព៌ា ក្នុងឆ្នាំ១៩៦៧ ដែលជនប៉ាឡេស្ទីន សង្ឃឹមថានឹងបង្កើតទីតាំងសំខាន់នៃរដ្ឋឯករាជ្យនៅពេលអនាគត។ ចាប់តាំងពីពេលនោះមក អ៊ីស្រាអែល បានសាងសង់ទីតាំងលំនៅឋានធំៗនៅទីនោះ ខណៈកិច្ចចរចារបង្កើតឡើងមានការគាំទ្រដោយសហរដ្ឋអាមេរិក បានជាប់គាំង។