មន្ត្រីជាន់ខ្ពស់មួយរូបបាននិយាយនៅថ្ងៃអង្គារទី១៦ ខែសីហានេះថា គណបក្សឆ្ពោះទៅមុខ(Move Forward) ដែលទទួលជ័យជម្នះក្នុងការបោះឆ្នោតរបស់ប្រទេសថៃ នឹងមិនគាំទ្របេក្ខជនមកពីអតីតដៃគូសម្ព័ន្ធភាពរបស់គណបក្សភឿថៃក្នុងការបោះឆ្នោតសភាសម្រាប់តំណែងនាយករដ្ឋមន្ត្រីបន្ទាប់នោះទេ។ 

ការសម្រេចចិត្តរបស់គណបក្ស ឆ្ពោះទៅមុខ(Move Forward) ដែលមានអាសនៈភាគច្រើននៅក្នុងសភា អាចធ្វើឱ្យស្មុគស្មាញដល់កិច្ចខិតខំប្រឹងប្រែងរបស់គណបក្សភឿថៃដ៏មានទម្ងន់ធ្ងន់ខាងនយោបាយដើម្បីទទួលបានការគាំទ្រដែលត្រូវការដើម្បីបង្កើតរដ្ឋាភិបាល និងអូសបន្លាយរយៈពេលជាច្រើនសប្តាហ៍នៃភាពជាប់គាំងផ្នែកនយោបាយ។

ទោះបីជាមានការបោះបង់ចោលគណបក្សឆ្ពោះទៅមុខ (Move Forward) កាលពីដើមខែនេះក៏ដោយ ក៏គណបក្សភឿថៃដែលឈរនៅលំដាប់ទីពីរ បានស្វែងរកការគាំទ្ររបស់ខ្លួនសម្រាប់អតីតសេដ្ឋីអចលនទ្រព្យនិងអ្នកថ្មីខាងនយោបាយ លោក Srettha Thavisin ដើម្បីក្លាយជានាយករដ្ឋមន្ត្រី។ 

អគ្គលេខាធិការរបស់គណបក្ស លោក Chaithawat Tulaton( ឆៃថាវ៉ាត់ ទុឡាថុន) បាននិយាយនៅក្នុងសន្និសីទសារព័ត៌មានថាសមាជិកសភារបស់គណបក្សឆ្ពោះទៅមុខ(Move Forward) ឯកភាពគ្នាក្នុងការប្រឆាំងនឹងរឿងនោះ ។ 

លោក Chaithawat បាននិយាយថា ការបង្កើតរដ្ឋាភិបាល បច្ចុប្បន្ននេះមិនបានឆ្លុះបញ្ចាំងពីសំឡេងរបស់ប្រជាជននោះទេ។ វាច្បាស់ណាស់ថា សមាជិកព្រឹទ្ធសភា និងគណបក្សផ្សេងទៀត មានបំណងបិទគណបក្សឆ្ពោះទៅមុខ។ ប្រទេសថៃ បានស្ថិតនៅក្រោមរដ្ឋាភិបាលចាំផ្ទះអស់រយៈពេល ៥ ខែកន្លងមកហើយ ហើយការបោះឆ្នោតសភាបន្ទាប់ដើម្បីជ្រើសរើសនាយករដ្ឋមន្ត្រីនៅមិនទាន់ត្រូវបានកំណត់ពេលនៅឡើយ។