ឯកអគ្គរដ្ឋទូតអាហ្សង់ទីនប្រចាំនៅប្រទេសចិន ក្រោយពីធ្វើការនៅក្នុងប្រទេសនេះរយៈពេលជាង២ឆ្នាំ បានថ្លែងថា ប្រធានាធិបតីចិនលោក ស៊ី ជីនពីង (Xi Jinping) គឺជាមេដឹកនាំម្នាក់ដែលយល់ពីតម្រូវការរបស់ប្រជាជន ហើយដូច្នេះត្រូវបានប្រជាជនចិនស្រឡាញ់។

លោក សាប៊ីណូ វ៉ាកា ណាវ៉ាចា (Sabino Vaca Narvaja) បានជួបពិភាក្សាជាមួយលោកប្រធានាធិបតី ស៊ីចំនួនបីដង។

នៅក្នុងជំនួបចុងក្រោយរបស់លោកជាមួយលោកប្រធានាធិបតី ស៊ី នៅពេលដែលប្រធានាធិបតីអាហ្សង់ទីន អាល់ប៊ឺតូ ហ្វឺណានដេស (Alberto Fernandez) បានធ្វើទស្សនកិច្ចនៅទីក្រុងប៉េកាំង នៅដើមឆ្នាំ ២០២២ លោកបាននិយាយដោយឯកឯងនូវអត្ថន័យមួយបន្ទាត់ ដែលដកស្រង់ចេញពីបទចម្រៀងថា«បើគ្មានបក្សកុម្មុយនីស្តចិនទេ វានឹងគ្មានប្រទេសចិនថ្មីទេ។ ដោយក្តីរីករាយ លោកប្រធានាធិបតី ស៊ី ជីនពីង បានឆ្លើយតបដោយទឹកមុខញញឹម ដោយនិយាយថា«និយាយបានល្អ និយាយបានល្អ»។

លោក ណាវ៉ាចា បានរំលឹកថា រូបលោកបានដឹងជាលើកដំបូងអំពីបទចម្រៀងក្នុងឆ្នាំ ២០២១ នៅពេលដែលលោកបានចូលរួមក្នុងការប្រារព្ធខួបលើកទី១០០នៃបក្សកុម្មុយនីស្តចិន (CPC) នៅទីលានចតុរង្គធានអានម៉ិន(Tian'anmen Square)។ រូបលោក បានចាប់អារម្មណ៍ជាពិសេសនឹងបទចម្រៀងដែលលោកបានឮនៅថ្ងៃនោះ ហើយបន្ទាប់មក លោកបានរៀនទំនុកបទចម្រៀងនោះ។