មីយ៉ាន់ម៉ា៖ សារព័ត៌មានក្នុងស្រុកនិយាយថា ក្រុមអ្នកប្រយុទ្ធប្រឆាំងនឹងរដ្ឋាភិបាលយោធាសហភាពមីយ៉ាន់ម៉ា បានវាយប្រយុទ្ធគ្នាជាមួយទាហាននៅក្នុងតំបន់ភាគខាងកើតប្រទេសកាលពីថ្ងៃអាទិត្យ និងបានអះអាងថា បានសម្លាប់សមាជិកកងកម្លាំងសន្តិសុខ ១៣នាក់ ចាប់ខ្លួនកងកម្លាំងយោធា ៤នាក់ និងកម្ទេចប៉ុស្តិ៍នគរបាលមួយ។
ការវាយប្រយុទ្ធគ្នាជិតព្រំដែនរដ្ឋសានខាងត្បូង និងរដ្ឋកាយ៉ាគឺជាការបះបោរចុងក្រោយបំផុតនៃជម្លោះ នៅក្នុងផ្នែកខ្លះនៃប្រទេសស្ថិតក្នុងតំបន់អាស៊ីអាគ្នេយ៍មួយនេះ ចាប់តាំងពីរដ្ឋប្រហារផ្ដួលរំលំមេដឹកនាំជាប់ឆ្នោតលោកស្រី Aung San Suu Kyi។ សមាជិកនៃកងកម្លាំងការពារប្រជាជន ដែលបានបង្កើតឡើងចាប់តាំងពីរដ្ឋប្រហារបានប្រាប់សារព័ត៌មាន Irrawaddy ថា ពួកគេបានសម្លាប់កងកម្លាំងសន្តិសុខយោធាមីយ៉ាន់ម៉ាចំនួន ១៣នាក់ នៅពេលពួកគេបានកម្ទេចប៉ុស្តិ៍នគរបាលមួយជិតទីក្រុងម៉ូប៊ីយេ។
ពួកគេបានប្រាប់សារព័ត៌មានផ្សេងទៀតថា មានមនុស្សជាច្រើននាក់ទៀតបានស្លាប់ក្នុងពេលប៉ះទង្គិចគ្នាបន្ទាប់ នៅចម្ងាយ ២០គីឡូម៉ែត្រពីភាគខាងត្បូងប្រទេស។ សារព័ត៌មាន Reuters មិនអាចសុំការអត្ថាធិប្បាយពីអ្នកនាំពាក្យយោធាបានទេ ទាក់ទងនឹងការវាយប្រយុទ្ធគ្នានេះបានទេ។ ស្ថានីយទូរទស្សន៍រដ្ឋពុំបាននិយាយ ពីការប៉ះទង្គិចគ្នាដោយអាវុធនេះទេ។ យោងតាមក្រុមសកម្មជននៃសមាគម ជួយអ្នកទោសនយោបាយមនុស្សយ៉ាងហោចណាស់ ៨១៥នាក់ត្រូវបានកងកម្លាំងសន្តិសុខសម្លាប់ចាប់តាំងពីរដ្ឋប្រហារ៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
