ក្រសួងការពារជាតិរុស្ស៊ីកាលពីថ្ងៃពុធបានបញ្ចេញពីលទ្ធផលស្រាវជ្រាវបន្ថែមទៅលើឯកសារជាច្រើនអំពីសកម្មភាពយោធាជីវសាស្រ្ដដែលបានអនុវត្ដន៍ដោយសហរដ្ឋអាមេរិកនៅលើទឹកដីអ៊ុយក្រែន ហើយនិងប្រទេសផ្សេងទៀត។

នៅឯស្និសីទសារព័ត៌មានខ្លីមួយ លោកឧត្ដមសេនីយត្រី អ៊ីហ្គ័រ គីរីឡូវ ប្រមុខកងទ័ពការពារអាវុធនុយក្លេអ៊ែរ ជីវសាស្រ្ដ និងគីមីរបស់កងទ័ពរុស្ស៊ី បាននិយាយថា សកម្មភាពយោធាជីវសាស្រ្ដរបស់អាមេរិក បានបង្ហាញពី

ការគំរាមកំហែងសន្ដិសុខដល់ប្រទេសជាច្រើននៅជុំវិញពិភពលោក។

លោកគីរីឡូវ បាននិយាយថា ឯកសារពាក់ព័ន្ធដែលរុស្ស៊ីទទួលបាន បង្ហាញថា យោធាអាមេរិក បាននិងកំពុងពន្លឿនគម្រោងជាច្រើនដែលពាក់ព័ន្ធនឹងការស្រាវជ្រាវសំខាន់ៗស្ដីពី មេរោគ និងបាក់តេរី ប្រកបដោយសក្ដានុពល ដែលកំពុងត្រូវបានប្រើប្រាស់ក្នុងអាវុធជីវសាស្រ្ដ។

លោកគីរីឡូវ បាននិយាយថា ឯកសារជាច្រើនបានបង្ហាញថា វិទ្យាស្ថានស្រាវជ្រាវវេជ្ជសាស្ត្រយោធាអាមេ

រិក ផ្នែកជំងឺឆ្លងដែលស្ថិតនៅ ក្រុងហ្វ័ត ដេទ្រីក (Fort Detrick )គឺមានការពាល់ព័ន្ធដោយផ្ទាល់នៅក្នុងសកម្មភាពដូចជា ប្រមូលធាតុបង្កជម្ងឺពីផ្នែកផ្សេងៗនៅក្នុងពិភពលោក ហើយនិងធ្វើការពិសោធន៍ឱសថ ដែលមិបានចុះបញ្ជីនៅក្នុងនោះរួមមានកម្មវិធីជីវសាស្រ្ដនៅក្នុងប្រទេសអ៊ុយក្រែនផងដែរ។

លោកគីរីឡូវបាននិយាយថា នេះជាភស្ដុតាងបង្ហាញថា យោធាអាមេរិក កំពុងចាប់អារម្មណ៍ លើបាក់តេរីបង្កជំងឺ និងវីរុស ដែលអាចបង្កជំងឺផ្ដាច់ផ្ដឹលជីវិត ហើយនិងជំងឺឆ្លងដែលអាចជាប្រយោជន៍ដល់ក្រុមហ៊ុនជីវសាស្រ្ដក្នុងសហរដ្ឋអាមេរិកផងដែរ៕