ចិន ៖ អ្នកទស្សនាបានជាប់ចិត្តនឹងមនុស្សយន្តរូបមនុស្សដ៏រស់រវើកមួយ ក្នុងចំណោមមនុស្សយន្តដទៃផ្សេងទៀត នៅឯព្រឹត្តិការណ៍បង្ហាញមនុស្សយន្តពិភពលោក (WRC) ឆ្នាំ២០២៣ ក្នុងរដ្ឋធានីប៉េកាំងរបស់ប្រទេសចិន កាលពីថ្ងៃព្រហស្បតិ៍ (ទី១៧ ខែសីហា) ដោយការតាំងបង្ហាញនេះ ត្រូវបានប្រារព្ធឡើងជាមួយនឹងបច្ចេកវិទ្យាថ្មី ដែលមានលក្ខណៈកាន់តែប្រសើរខ្លាំង សម្រាប់ការបញ្ចេញពាក្យសម្ដី និងការធ្វើកាយវិការរបស់មនុស្សយន្តទាំងនោះ។

លោក Xier វិស្វករស្រាវជ្រាវ និងអភិវឌ្ឍន៍ (R&D) របស់ក្រុមហ៊ុនផលិតមនុស្សយន្ត EXRobots បាននិយាយថា ការធ្វើឲ្យប្រសើរឡើង បានធ្វើឲ្យតំណភ្ជាប់របស់មនុស្សយន្តស្រដៀងមនុស្សនេះ មានចលនាកាន់តែតែដូចធម្មជាតិ និងការបញ្ចេញទឹកមុខ ហើយនិងការកម្រើកម្រាមដៃបានប៉ុនប្រសព្វជាងមុន។

មនុស្សយន្តដែលមានរាងដូចមនុស្សនេះ ទទួលបានការសរសើរយ៉ាងខ្លាំងពីអ្នកទស្សនាមួយចំនួន ខណៈដែលអ្នកផ្សេងទៀត សម្តែងការភ្ញាក់ផ្អើល ចំពោះរូបរាង ដែលមើលទៅដូចពិតៗរបស់មនុស្សយន្តនេះ។ 

សូមបញ្ជាក់ថា ព្រឹត្តិការណ៍ប្រចាំឆ្នាំនេះ នឹងប្រព្រឹត្តទៅ ចាប់ពីថ្ងៃទី១៦ ដល់ថ្ងៃទី២២ ខែសីហា៕