ក្រុមសិទ្ធិមនុស្សក្នុងស្រុកមួយ បាននិយាយកាលពីថ្ងៃព្រហស្បតិ៍ថា អំពើហិង្សាដែលបង្កឡើងដោយក្រុមជនពន្ធពាលនៅក្នុងរដ្ឋធានីព័រអូប្រាំង ( Port-au-Prince) របស់ប្រទេសហៃទី បានបណ្តាលឲ្យអ្នកស្រុកចំនួន៣០នាក់ ស្លាប់ និងជាច្រើននាក់ទៀត រងរបួស។

លំនៅឋានច្រើនខ្នងនៅក្នុងសង្កាត់ Carrefour-Feuilles (កាហ្វ័រ ហ្វឺយ) នៃទីក្រុងនេះ ត្រូវបានដុត ក្នុងការវាយប្រហារ ហើយនគរបាលពីរនាក់ ក៏បានស្លាប់ផងដែរ នេះបើយោងតាមចំនួនបណ្តោះអាសន្នដែលផ្តល់ដល់សារព័ត៌មានAFP ដោយបណ្តាញការពារសិទ្ធិមនុស្សជាតិ។

សង្កាត់នេះ គឺជាតំបន់យុទ្ធសាស្ត្រសម្រាប់ក្រុមជនអន្ធពាល ដែលគ្រប់គ្រងប្រហែល៨០ភាគរយនៃរដ្ឋធានីរបស់ប្រទេសហៃទី។

ឧក្រិដ្ឋកម្មដ៏ហិង្សាក្នុងនោះមានការចាប់ជំរិតទារប្រាក់ ការលួចរថយន្ត ការចាប់រំលោភ និងការចោរកម្មប្រដាប់អាវុធ គឺជារឿងធម្មតានៅហើយ។