មេដឹកនាំលំដាប់ទី២ របស់កោះតៃវ៉ាន់ គឺលោក William Lai កំពុងស្ថិតនៅចំចំណុចកណ្ដាលនៃភាពមិនចុះសម្រុង បន្ទាប់ពីប្រទេសចិន បានចាប់ផ្តើមសមយុទ្ធ ដែលត្រូវបានរំពឹងទុកយ៉ាងទូលំទូលាយរួចហើយ នៅជិតកោះតៃវ៉ាន់ ដើម្បីបង្ហាញនូវការឆ្លើយតបដោយកំហឹង ចំពោះដំណើរទស្សនកិច្ចដ៏ខ្លីទៅកាន់សហរដ្ឋអាមេរិកក្នុងខែនេះរបស់ឥស្សរជន ដែលកំពុងនាំមុខគេ ក្នុងការបានធ្វើជាមេដឹកនាំបន្ទាប់របស់កោះនេះ។

បើទោះបីជាលោក Lai បាននិយាយម្តងហើយម្តងទៀត នៅមុនការបោះឆ្នោតខែមករាថា លោកចង់បន្តរក្សាស្ថានភាពដដែលគ្រប់យ៉ាងជាមួយប្រទេសចិន ដែលអះអាងថា កោះតៃវ៉ាន់ជារបស់ខ្លួន ហើយនិងបានស្នើឲ្យមានពិភាក្សាជាមួយទីក្រុងប៉េកាំងក៏ដោយ ក៏រដ្ឋាភិបាលចិនបានត្រឹមតែបង្ហាញប្រតិកម្មតបជាមួយនឹងរូបភាពអរិភាពប៉ុណ្ណោះ។

កាលពីដើមខែនេះ លោក Lai បានប្រាប់ស្ថានីយទូរទស្សន៍របស់កោះតៃវ៉ាន់ថា៖ «យើងមិនចង់ក្លាយជាសត្រូវជាមួយចិននោះទេ។ យើងអាចក្លាយជាមិត្តជាមួយគ្នា»។

ប៉ុន្តែបើទោះជាមានការនិយាយបែបនោះ ក៏នៅក្នុងទស្សនៈរបស់ចិន លោក Lai គឺជាអ្នកបំបែកខ្លួន និងជា «អ្នកបង្កបញ្ហា នៅគ្រប់រូបភាពទាំងអស់» សម្រាប់មតិយោបល់ ដែលរូបលោកបានធ្វើឡើងជាលើកដំបូង ក្នុងឆ្នាំ២០១៧ ក្នុងឋានៈថ្នាក់ដឹកនាំមួយរូប អំពីការធ្វើជា «កម្មករ» ដើម្បីទាមទារឯករាជ្យភាពឲ្យកោះតៃវ៉ាន់ ដែលនេះជាបន្ទាត់ក្រហម សម្រាប់ទីក្រុងប៉េកាំង។

លោក Lai បាននិយាយជាច្រើនដង ដោយសារលោកគ្រាន់តែចង់មានន័យថា កោះតៃវ៉ាន់ គឺជារដ្ឋឯករាជ្យមួយរួចហើយ ហើយនៅលើផ្លូវនៃការធ្វើយុទ្ធនាការ ត្រូវបានភ្ជាប់ជាមួយនឹងពាក្យពេចន៍របស់មេដឹកនាំលោកស្រី Tsai Ing-wen ដែលថា សាធារណរដ្ឋចិន ដែលឈ្មោះផ្លូវការរបស់កោះតៃវ៉ាន់ និងសាធារណរដ្ឋប្រជាមានិតចិន គឺ «ការមិនមានចំណុះឲ្យគ្នាទៅវិញទៅមក» នោះឡើយ។

អំឡុងពេលយុទ្ធនារកសំឡេងឆ្នោត លោក Lai បានប្រឹងប្រែងយ៉ាងខ្លាំង ក្នុងការនិយាយថា លោកនឹងប្រកាន់ខ្ជាប់នូវមាគ៌ារបស់មេដឹកនាំ លោកស្រី Tsai ក្នុងការចរចាជាមួយប្រទេសចិន និងរក្សាសន្តិភាព និងស្ថានភាពដដែល ខណៈពេលដែលលោកក៏បានសន្យាការពារកោះនេះ និងបញ្ជាក់ជាថ្មីថា មានតែប្រជាជនប៉ុណ្ណោះ ដែលអាចសម្រេចលើអនាគតរបស់កោះនេះ៕