អុីស្រាអែល ៖ យោធាអ៊ីស្រាអែលនិយាយថា ស្រ្តីជនជាតិអ៊ីស្រាអែលម្នាក់ ត្រូវបានសម្លាប់នៅក្នុងហេតុការណ៍បាញ់ប្រហាររបស់ជនប៉ាឡេស្ទីនសង្ស័យនៅជិតទីក្រុង Hebron តំបន់កាន់កាប់វ៉េសប៊ែង នាថ្ងៃចន្ទនេះ ។ 

សេវាកម្មរថយន្តគិលានសង្រ្គោះអ៊ីស្រាអែល និយាយថា បុរសជនជាតិអ៊ីស្រាអែលម្នាក់ទៀត ដែលបានរងរបួសយ៉ាងធ្ងន់ធ្ងរនៅក្នុងឧបទ្ទេវហេតុនេះដែរនោះ ត្រូវបានបញ្ជូនទៅកាន់មន្ទីរពេទ្យ ហើយក្មេងអាយុ ៦ឆ្នាំម្នាក់នៅក្នុងរថយន្ត ពុំបានរងរបួសអ្វីនោះឡើយ ។ 

យោធានិយាយនៅក្នុងសេចក្តីថ្លែងការណ៍ថា ពួកគេបានបិទផ្លូវ ហើយនិងរុករកក្រុមជនសង្ស័យ ដែលត្រូវបានគេនិយាយថា ពួកគេបានបាញ់ចេញពីរថយន្តធ្វើដំណើរឆ្លងកាត់ ។ 

លោក Hazem Qassemគឺជាអ្នកនាំពាក្យក្រុមឧទ្ទាមហាម៉ាស់ដែលគ្រប់គ្រងតំបន់ហ្គាហ្សាស្រ្ទីប បានកោតសរសើរដល់ការវាយប្រហារនេះ ដោយលោកនិយាយថា វាគឺជាការឆ្លើយតបនឹងការវាយប្រហារឥតឈប់ឈររបស់អ៊ីស្រាអែលលើជនប៉ាឡេស្ទីន ៕