គិលានុបដ្ឋាយិកាជនជាតិអង់គ្លេសម្នាក់ នឹងត្រូវកាត់ទោស នៅថ្ងៃចន្ទ (ថ្ងៃទី២១ ខែសីហា)នេះ ពីបទសម្លាប់ទារកទើបនឹងកើតចំនួន ៧នាក់ និងប៉ុនប៉ងសម្លាប់ ៦នាក់ផ្សេងទៀត ខណៈពេលដែលទារកទាំងនោះ ស្ថិតនៅក្នុងការថែទាំរបស់នាង។

អ្នកនាង Lucy Letby វ័យ ៣៣ឆ្នាំ ត្រូវបានកាត់ទោសពីបទសម្លាប់ក្មេងប្រុស ៥នាក់ និងក្មេងស្រី ២នាក់ដែលធ្វើឲ្យនាងក្លាយជាឃាតកសម្លាប់ក្មេងតូចៗដ៏ច្រើនបំផុតរបស់ចក្រភពអង់គ្លេស នៅក្នុងប្រវត្តិសាស្ត្រសម័យទំនើបនេះ។

នាងត្រូវបានចាប់ខ្លួនបន្ទាប់ពីការស្លាប់របស់ទារក នៅឯកន្លែងទារកទើបនឹងកើតរបស់មន្ទីរពេទ្យ Countess of Chester នៅភាគពាយព្យនៃប្រទេសអង់គ្លេស ចន្លោះខែមិថុនា ឆ្នាំ២០១៥ និងខែមិថុនា ឆ្នាំ២០១៦។

តំណាងអយ្យការ បាននិយាយថា អ្នកនាង Letby បានវាយជនរងគ្រោះក្មេងៗ និងទារកកើតមិនគ្រប់ខែទាំងនោះជាញឹកញាប់ ដោយទាំងការចាក់បញ្ចូលខ្យល់ដល់ពួកគេ បំបៅទឹកដោះពួកគេច្រើនជ្រុល ឬក៏បំពុលពួកគេដោយអាំងស៊ុយលីន។ បន្ទាប់ពីមានការកាត់ក្តី ដែលបានចាប់ផ្តើម កាលពីខែតុលាឆ្នាំមុន គណៈវិនិច្ឆ័យ នៅតុលាការ Manchester Crown បានបញ្ចប់ការពិចារណា ដែលរយៈពេលជាង ១១០ម៉ោងកាលពីថ្ងៃសុក្រ។

គណៈវិនិច្ឆ័យ បានសម្រេចមិនយកទោសលើជនជាប់ចោទ Letby ចំនួនពីរករណី ពីបទការប៉ុនប៉ងធ្វើឃាត ហើយមិនអាចឈានដល់ការសម្រេចលើ ៦ករណីផ្សេងទៀត ពីបទប៉ុនប៉ងសម្លាប់នេះ។ ប៉ុន្តែសាលក្រមដែលបញ្ជាក់ពីការមានទោសជាច្រើនករណី សម្រាប់អំពើឃាតកម្មនេះ មានន័យថា អ្នកនាង Letby ប្រឈមនឹងការរំពឹងថា នឹងគ្មានថ្ងៃមានសេរីពីការជាប់ពន្ធនាគារនោះឡើយ៕