ចិន ៖ ប្រភពចំនួនបីដែលដឹងពីបញ្ហានេះ បាននិយាយថា រដ្ឋមន្ត្រីការបរទេសអង់គ្លេសលោក James Cleverly នឹងទៅបំពេញទស្សនកិច្ចនៅប្រទេសចិន នៅចុងខែនេះ ដែលជាការធ្វើដំណើរដែលបានរង់ចាំជាយូរមកហើយ ដើម្បីស្វែងរកស្ថិរភាពទំនាក់ទំនងដ៏ច្របូកច្របល់ ដែលបានធ្លាក់ចុះដល់ចំណុចទាបបំផុត ក្នុងរយៈពេលជាច្រើនទសវត្សរ៍។

ក្រសួងការបរទេសនៃប្រទេសទាំងពីរ មិនបានឆ្លើយតបភ្លាមៗចំពោះសំណើសុំការអត្ថាធិប្បាយទេ។

លោក Cleverly ត្រូវបានគេរំពឹងថា នៅក្នុងប្រទេសចិនរហូតដល់ចុងខែកក្កដា ប៉ុន្តែការធ្វើដំណើរនេះ មិនបានកើតឡើង នៅពេលដែលប្រទេសចិន បានប្រកាសពីការអ្នកស្នងតំណែងជំនួសសមភាគីរបស់លោកគឺ លោក Qin Gang ដែលមិនបានរំពឹងទុក ដោយដាក់ជំនួសមកវិញនូវអតីតរដ្ឋមន្ត្រីការបរទេសចិន និងជាអ្នកការទូតជើងចាស់ លោក វ៉ាង យី (Wang Yi)។

លោក Qin បានបាត់ខ្លួនអស់រយៈពេលជាងមួយខែ មុនពេលត្រូវបានជំនួសនៅថ្ងៃទី ២៥ ខែកក្កដា ជាមួយនឹងព័ត៌មានលម្អិតនៅពីក្រោយការដករូបលោកចេញពីតំណែង បានបន្សល់ទុកនូវភាពមិនច្បាស់លាស់ដោយរដ្ឋាភិបាលចិន។ លោកមិនបានបង្ហាញខ្លួនជាសាធារណៈ តាំងពីចុងខែមិថុនា។