បេសកកម្មរបស់អង្គការសហប្រជាជាតិនៅក្នុងប្រទេសអាហ្វហ្គានីស្ថាន បាននិយាយនៅថ្ងៃអង្គារនេះថា សមាជិកជាង២០០នាក់នៃអតីតយោធា ក្រុមអនុវត្តច្បាប់ និងរដ្ឋាភិបាលអាហ្វហ្គានីស្ថាន ត្រូវបានសម្លាប់ចាប់តាំងពីពួកតាលីបង់ បានចូលមកគ្រប់គ្រង បើទោះបីជា«ការលើកលែងទោសទូទៅ»សម្រាប់សត្រូវចាស់ក៏ដោយ។

បេសកកម្មនេះ បាននិយាយនៅក្នុងរបាយការណ៍មួយថា ខ្លួនបានកត់ត្រាការសម្លាប់មនុស្សក្រៅប្រព័ន្ធច្បាប់យ៉ាងហោចណាស់ចំនួន២១៨នាក់ដែលមានទំនាក់ទំនងជាមួយពួកតាលីបង់ចាប់តាំងពីការគ្រប់គ្រងអាហ្វហ្គានីស្ថានរបស់ពួកគេ នៅពាក់កណ្តាលឆ្នាំ២០២១ រហូតដល់ខែមិថុនា។

បេសកកម្មជំនួយរបស់អង្គការសហប្រជាជាតិនៅក្នុងប្រទេសអាហ្វហ្គានីស្ថាន (UNAMA) បាននិយាយ៖ «ក្នុងករណីភាគច្រើន បុគ្គលជាច្រើនត្រូវបានឃុំខ្លួនដោយកងកម្លាំងសន្តិសុខពិតប្រាកដ ជាញឹកញាប់       ក្នុងរយៈពេលខ្លី មុនពេលត្រូវបានសម្លាប់»។

មេដឹកនាំជាន់ខ្ពស់តាលីបង់ បាននិយាយថា មានការលើកលែងទោសដល់អតីតមន្ត្រីរដ្ឋាភិបាល និងសមាជិកយោធា តាមបញ្ជារបស់មេដឹកនាំកំពូលរបស់ពួកគេ។