លោក Bernardo Arevalo របស់ប្រទេសកាតេម៉ាឡា បានទទួលជ័យជម្នះ ក្នុងការបោះឆ្នោតប្រធានាធិបតីជុំទី២ កាលពីថ្ងៃអាទិត្យចុងសប្ដាហ៍កន្លងមក ហើយសមរភូមិដ៏ធំក្រោយការបោះឆ្នោត កំពុងដំណើរការរួចហើយ ដោយបក្សពួកគូប្រជែងព្យាយាមរកវិធីបំផ្លាញគណបក្សរបស់លោក និងចេញដីកាចាប់ខ្លួនជាបន្តបន្ទាប់ ដែលនៅទីបំផុត អាចកំណត់គោលដៅលើរូបលោក។

ប៉ុន្តែខណៈដែលអតីតអ្នកការទូតវ័យ ៦៤ឆ្នាំរូបនេះ កំពុងរីករាយនឹងជ័យជម្នះដ៏ត្រចះត្រចង់ ដែលហាក់ដូចជាស្ទើរតែមិនអាចទៅរួចសោះនោះ កាលពីប៉ុន្មានខែមុននេះ រដ្ឋអាជ្ញាបានផ្តល់សញ្ញាថា នឹងមិនមានការឈប់នៅស្ងៀមនោះទេ សម្រាប់សកម្មភាពរបស់ពួកគេ ក្នុងការប្រឆាំងទល់នឹងគណបក្សឆ្វេងនិយមកណ្តាល Semilla របស់លោក Arevalo។

គណបក្សនេះ ត្រូវបានចោទប្រកាន់ពីបទក្លែងបន្លំហត្ថលេខាមួយចំនួន នៅពេលដែលគណបក្សនេះ ត្រូវបានបង្កើតឡើងក្នុងឆ្នាំ២០១៧។ ប៉ុន្តែចាប់តាំងពីគណបក្សនេះ លេចមុខឡើងជាគូប្រជែងដ៏ធំ នៅចុងខែមិថុនា រដ្ឋអាជ្ញា និងការវិនិច្ឆ័យដ៏ចម្រូងចម្រាស បានជំរុញឲ្យមានការលុបចោលលក្ខខណ្ឌផ្នែកផ្លូវច្បាប់របស់គណបក្សនេះ ទោះបីជាតុលាការកំពូលរបស់កាតេម៉ាឡា រហូតមកទល់ពេលនេះ បានតវ៉ាឲ្យទម្លាក់ចុះកិច្ចខិតខំនេះក៏ដោយ។

ការបោះឆ្នោតនេះ បានប្រឆាំងនឹងរឿងក្រោយឆាកនៃប្រតិកម្មរបស់ក្រុមស្តាំជ្រុលនិយម ក្នុងការជំរុញឲ្យមានការប្រឆាំងអំពើពុករលួយ ដែលបានបញ្ចប់ ៤ឆ្នាំមុន ដោយក្នុងចំណោមការចោទប្រកាន់ពីក្រុមឆាំង ដែលថា អ្នកនៅពីក្រោយបញ្ហានេះ បានរំលោភលើអធិបតេយ្យភាពរបស់កាតេម៉ាឡា និងរំលោភអំណាចរបស់ពួកគេ។

លោកស្រី Thelma Aldana អតីតអគ្គមេធាវីប្រឆាំងអំពើពុករលួយ មានសុទិដ្ឋិនិយមថា ជ័យជម្នះរបស់លោក Arevalo អាចស្តារឡើងវិញនូវការប្រយុទ្ធប្រឆាំងអំពើពុករលួយ។ លោកស្រីបានសរសើរដល់កិច្ចសហការអន្តរជាតិ អំឡុងពេលលោកស្រី បំពេញតួនាទីនៅក្នុងគណៈកម្មាការប្រឆាំងអំពើពុករលួយ ដែលគាំទ្រដោយអង្គការសហប្រជាជាតិ ក្នុងប្រទេសកាតេម៉ាឡា ដែលបានកាត់ទោសដោយជោគជ័យលើអំពើពុករលួយរាប់សិបករណី ក្នុងនោះរួមទាំងករណីមួយ ដែលបានទម្លាក់ប្រធានាធិពីអំណាច ក្នុងឆ្នាំ២០១៥ ផងដែរ៕