ក្រុមអាជ្ញាធរនិយាយថា កងកម្លាំងប្រដាប់អាវុធកូឡុំប៊ី សង្រ្គោះសត្វអណ្តើកសមុទ្រងាយរងគ្រោះចំនួន ៤៣ក្បាលពីក្រុមឈ្មួញជួយដូរខុសច្បាប់ ហើយនិងបានព្រលែងវាចូលទៅក្នុងសមុទ្រវិញ ។

នៅក្នុងចំណោមអណ្តើកដែលត្រូវបានសង្រ្គោះ គឺជាអណ្តើកស្នូកទន់ ៤០ក្បាល ក្នុងនោះ ២៥ក្បាលកំពុងភ្ញាស់កូន។

លោកវរសេនីយ៍ឯក Andres Fabian Crespo Salom គឺជាមន្រ្តីមកពីកងពលតូចថ្មើរជើងលេខ ៤នៃកងម៉ារីនកូឡុំប៊ី និយាយថា អណ្តើកសមុទ្រស្នូកទន់ ២៥ក្បាល ត្រូវបានសង្រ្គោះពីនាវាមួយគ្រឿង ។ អណ្តើកទាំងនេះ ត្រូវបានរកឃើញនៅក្នុងបាវ ហើយក្រោយមកត្រូវបានគេព្រលែងចូលក្នុងសមុទ្រវិញ ។

 លោកបន្តទៀតថា ក្រោយមក អណ្តើក ១៥ក្បាលទៀត ត្រូវបានប្រទះឃើញនៅលើឆ្នេរសមុទ្រ។ ពួកវាត្រូវបានគេព្រលែង ក្រោយពេលដែលក្រុមឧក្រិដ្ឋជន ឃើញវត្តមានរបស់កងម៉ារីន ។ សត្វអណ្តើកទាំងអស់នេះ ស្ថិតក្នុងគ្រោះថ្នាក់នៃការផុតពូជ ដោយសារតែការជួញដូរខុសច្បាប់។

 សូមបញ្ជាក់ថា ក្រុមសហភាពអភិរក្សធម្មជាតិ(IUCN) បានចុះបញ្ជីក្រហមថាត់ថ្នាក់ថាអណ្តើកសមុទ្រទាំងអស់នេះងាយរងគ្រោះ ក្នុងនោះចំនួនរបស់ពួកវាបានធ្លាក់ចុះយ៉ាងឆាប់រហ័ស ៕