មេដឹកនាំកោះតៃវ៉ាន់ លោកស្រី Tsai Ing-wen នៅថ្ងៃពុធនេះ បានអំពាវនាវឲ្យមានកំណែទម្រង់វិស័យការពារជាតិ ខណៈលោកស្រី បានធ្វើដំណើរទស្សនកិច្ចដ៏កម្រទៅកាន់កោះសមរភូមិមួយកន្លែង មានទីតាំងស្ថិតនៅ ជិតប្រទេសចិន ដើម្បីរំលឹកខួបនៃការប៉ះទង្គិចគ្នាដោយយោធាជាមួយកងកម្លាំងប្រទេសចិន។ លោកស្រី Tsai បានដាក់បាច់ផ្កា និងឱនគោរពនៅឧទ្យានរំលឹកវិញ្ញាណក្ខន្ធនៅលើកោះ Kinmen ដែលមានចម្ងាយមិនដល់២គីឡូម៉ែត្រ ពីដែនដីគ្រប់គ្រងដោយប្រទេសចិន សម្រាប់ខួបលើកទី៦៥ នៃការចាប់ផ្តើមវិបត្តិច្រកសមុទ្រតៃវ៉ាន់លើកទី២។ 

និយាយនៅពេលទទួលទានអាហារថ្ងៃត្រង់ បន្ទាប់ពីពិធីរំលឹកខួប លោកស្រី Tsai និយាយថា ទោះបីជាកោះតៃវ៉ាន់ប្តេជ្ញារក្សាសន្តិភាព និងស្ថិរភាពនៅទូទាំងច្រកសមុទ្រតៃវ៉ាន់ វាក៏ចាំបាច់ត្រូវបន្តធ្វើឲ្យប្រសើរឡើងនូវប្រសិទ្ធភាពនៃការប្រយុទ្ធ និងភាពធន់ក្នុងការការពារជាតិ។ 

ការប្រយុទ្ធគ្នា នៅឆ្នាំ១៩៥៨ បានឃើញពីការប្រយុទ្ធរបស់កោះតៃវ៉ាន់ បន្ទាប់មកមានការគាំទ្រពីសហរដ្ឋអាមេរិក ដែលបានបញ្ជូនយុទ្ធោបករណ៍ រួមមានទាំងមីស៊ីលប្រឆាំងយន្តហោះ Sidewinder ទំនើប ដែលផ្តល់ឲ្យកោះតៃវ៉ាន់នូវអាវុធបច្ចេកវិទ្យា។ 

ជម្លោះបានបញ្ចប់ ក្នុងភាពទាល់ច្រកជាមួយប្រទេសចិន ដែលបរាជ័យមិនអាចក្រសោបយកកោះនេះបាន ហើយវាជាពេលចុងក្រោយដែលកងកម្លាំងកោះតៃវ៉ាន់ បានចូលរួមប្រយុទ្ធជាមួយប្រទេសចិន ក្នុងទ្រង់ទ្រាយធំ។