ហូឡង់ ៖ រដ្ឋមន្ត្រីការពារជាតិហូឡង់ លោកស្រី លោក Kajsa Ollongren បាននិយាយក្នុងដំណើរទស្សនកិច្ចទៅកាន់ទីក្រុងគីវ (Kyiv) ថា ប្រទេសហូឡង់នឹងបញ្ជូនឧបករណ៍សាកថ្មចំនួន ១.០០០គ្រឿង ឲ្យប្រទេសអ៊ុយក្រែន សម្រាប់ជាជំនួយដល់ការដោះមីនពីចម្ងាយ។

សេចក្តីប្រកាសនេះ កើតមានឡើងស្របពេលជាមួយនឹងខ្សែបន្ទាត់ការពាររបស់រុស្ស៊ី រាយមីនយ៉ាងច្រើនស្អេកស្កះ ដើម្បីបន្ថយល្បឿនការវាយបករបស់អ៊ុយក្រែន ក្នុងការដណ្តើមយកវិញនូវទឹកដី ដែលរុស្សីរឹបអូសបាន ចាប់តាំងពីកងកម្លាំងរបស់ខ្លួន បានចាប់ផ្ដើមលុកលុយ ក្នុងខែកុម្ភៈ ឆ្នាំ២០២២។

លោកស្រី Ollongren ត្រូវបានដកស្រង់សម្តី ដែលបាននិយាយនៅលើគេហទំព័រក្រសួងការពារជាតិអ៊ុយក្រែន នៅឯកិច្ចប្រជុំជាមួយរដ្ឋមន្ត្រីអ៊ុយក្រែន លោក Oleksiy Reznikov កាលពីថ្ងៃអង្គារថា៖ «មានការសម្រេចផ្តល់ឧបករណ៍សាកថ្មចល័តប្រហែល ១.០០០គ្រឿង សម្រាប់ការដោះមីនពីចម្ងាយ ដែលអាចធ្វើផ្លូវឆ្លងកាត់ ក្នុងរបាំងវិស្វកម្ម»។

លោកស្រីបានបន្ថែមថា៖ «ឥឡូវនេះ ដូចខ្ញុំបានដឹងហើយ អ្នកកំពុងប្រឈមនឹងបញ្ហានៃការដោះមីនដ៏ច្រើនស្អេកស្កះ នៅតំបន់ទឹកដីជាច្រើន ដែលត្រូវបានគេកាប់»៕