តាកែវ៖ ក្រុមយុវជន បានសម្ដែងនូវសុទិដ្ឋិនិយមចំពោះឯកឧត្ដមកិត្តិទេសាភិបាលបណ្ឌិត ហ៊ុន ម៉ាណែត ជានាយករដ្ឋមន្ត្រីថ្មី នៃរាជរដ្ឋាភិបាលកម្ពុជា អាណត្តិទី៧ ដោយពួកគេមានក្ដីសង្ឃឹមថា នាយករដ្ឋមន្ត្រីថ្មីនេះ នឹងដឹកនាំប្រទេសឱ្យកាន់តែមានការអភិវឌ្ឍរីកចម្រើនខ្លាំងក្លាបន្តទៅទៀត ។

ក្រុមយុវជន នៅក្នុងខេត្តតាកែវ បានលើកឡើងជាមួយនឹងក្ដីរំពឹងថា​ រាជរដ្ឋាភិបាលអាណត្តិទី៧ ដែលដឹកនាំ​ដោយឯកឧត្តមកិតិទេសាភិបាលបណ្ឌិត ​ហ៊ុន ម៉ាណែត នឹងកាន់តែមានកិត្តិនាម​នៅ​លើឆាក អន្តរជាតិ ។

ការទទួលដំណែងនេះពិតជាសក្តិសម ព្រោះឯកឧត្តម ហ៊ុន ម៉ាណែត មានសមត្ថិមាន ចំណេះដឹង និងសមត្ថភាពគ្រប់គ្រាន់ក្នុងការដឹកនាំប្រទេសជាតិឱ្យកាន់តែមានការរីកចម្រើនទៅមុខយ៉ាង ពិតប្រាកដ ។

ការផ្ដល់ដំណែងនាយករដ្ឋមន្ត្រីដល់ឯកឧត្ដមកិត្តិទេសាភិបាលបណ្ឌិត​ ហ៊ុន ម៉ាណែត សម្រាប់ អាណត្តិទី៧នេះ ​ទទួលបានការគាំទ្រជាខ្លាំងពីសំណាក់គ្រប់មជ្ឈដ្ឋានជាតិ ​និងអន្តរជាតិ ។

ឯកឧត្ដម ចាប់ផ្ដើមការងារដំបូងជានាយករដ្ឋមន្ត្រី ​ដោយការដឹកនាំកិច្ចប្រជុំគណៈរដ្ឋមន្ត្រី នៅ​ថ្ងៃទី២៤ ខែសីហា នេះ ជាមួយនឹងការប្រកាសអនុវត្តគោលនយោបាយសំខាន់ៗជាច្រើន នៃរាជរដ្ឋាភិបាល អាណត្តិទី៧នេះ ៕អត្ថបទ៖ គុជ វិភាគ