ម៉ាឡែសុី ៖ ក្រសួងសុខាភិបាល បានិយាយថា ប្រទេសម៉ាឡេស៊ី នឹងពិនិត្យការនាំចូលអាហាររបស់ប្រទេសជប៉ុន បន្ទាប់ពីការសម្រេចចិត្តរបស់ប្រទេសនេះដើម្បីបញ្ចេញទឹកមានសារធាតុពុលនុយក្លេរអ៊ែរពីរោងចក្រថាមពលនុយក្លេអ៊ែរ Fukushima Daiichi មិនដំណើរការ។

អគ្គនាយកមកពីក្រសួងសុខាភិបាលលោក Muhammad Radzi Abu Hassan បាននិយាយនៅក្នុងសេចក្តីថ្លែងការណ៍ថា ផលិតផលអាហារមកពីប្រទេសជប៉ុនត្រូវបានគេគិតថា មានហានីភ័យខ្ពស់ដែលនឹងជាគោលដៅដល់កម្រិត៤ ក្នុងការពិនិត្យសម្រាប់សម្ភារៈវិទ្យុសកម្ម។

លោក Muhammad Radzi បាននិយាយថា អង្គភាពសុវត្ថិភាពនិងគុណភាពចំណីអាហាររបស់ក្រសួង កាលពីពេលមុនធ្លាប់បានពិនិត្យការនាំចូលអាហារជប៉ុន ចាប់ពីខែឧសភាឆ្នាំ២០១១ ដល់ខែមេសា ឆ្នាំ២០១២ បន្ទាប់ពីរញ្ជួយដីដែលបានធ្វើឲ្យរោងចក្រថាមពលនេះលែងដំណើរការ។

លោកនិយាយថាការនាំចូលអាហារចម្បងពីប្រទេសជប៉ុនមកម៉ាឡេស៊ី មានត្រី និងផលិតផលត្រី បន្ទាប់មកមានផ្លែឈើ បន្លែ អាហារនិងភេសជ្ជៈកែច្នៃ។