ចិន ៖ ក្រុមភ្ញៀវទេសចរចិន បានវិលត្រឡប់ទៅកាន់ប្រទេសជប៉ុនវិញហើយកាលពីថ្ងៃពុធ ក្រោយឈប់ធ្វើដំណើរអស់រយៈពេលជាង ៣ឆ្នាំ ចាប់តាំងពីវិបត្តិជំងឺ COVID-19 ធ្វើឲ្យប៉ះពាល់ដល់ចិន ហើយជើងហោះហើរដឹកអ្នកទេសចរចិន ចំនួន ១៨នាក់ មកពីទីក្រុងប៉េកាំង បានចុះចតនៅអាកាសយានដ្ឋាន Haneda ប្រទេសជប៉ុន ។ 

អ្នកនាំភ្ញៀវទេសចរចិន និយាយថា វាចំណាយពេលតិចជាង ២៤ម៉ោង ដើម្បីបំពេញឯកសារធ្វើដំណើរ ហើយអ្នកទេសចរម្នាក់ និយាយដែរថា លោកពិតជារំភើបចិត្តខ្លាំងណាស់ចំពោះការធ្វើដំណើរមួយនេះ ។ 

លោក Sun Leiគឺជាអ្នកមគ្គុទេសរបស់ក្រុមភ្ញៀវទេសចរចិនមកកាន់ប្រទេសជប៉ុន និយាយថា ជប៉ុនស្ថិតក្នុងចំណោមប្រទេស និងតំបន់ទី ៣ ជាកន្លែងដែលចិនចាប់ផ្តើមទេសចរណ៍ ។ ពួកគេទាំងអស់គ្នាពិតជារំភើបសប្បាយរីករាលខ្លាំងណាស់ ។ 

ចំណែកឯលោក Xu Zichangគឺជាភ្ញៀវទេសចរចិនមួយរូបនិយាយថា ខ្ញុំតែងតែចង់ធ្វើដំណើរទៅកាន់បរទេសអំឡុងវិស្សមកាលរដូវក្តៅនេះ ដូច្នេះហើយពេលខ្ញុំឃើញគោលនយោបាយអនុញ្ញាតឲ្យមានដំណើរកម្សាន្តឡើងវិញ លោកក៏បានចុះឈ្មោះភ្លាមតែម្តង ។ ខ្ញុំចូលចិត្តជប៉ុនខ្លាំងណាស់ ហើយអ្វីដែលខ្ញុំទន្ទឹងរង់ចាំជាងគេបំផុត គឺម្ហូបអាហារស្រស់ៗ ចំណីអាហារជប៉ុនដែលខ្ញុំពុំធ្លាប់ដែលសាកល្បងកាលពីមុន ។ 

គួរឲ្យដឹងថា មុនការរីករាលដាលឆ្លងសកលជំងឺ COVID-19 អ្នកដំណើរមកពីចិនដីគោក គឺជាក្រុមភ្ញៀវទេសចរធំជាងគេបំផុតដែលធ្វើដំណើរកម្សាន្តមកកាន់ប្រទេសជប៉ុន ហើយនិងបានចំណាយជាងភ្ញៀវទេសចរណាៗទាំងអស់ ហើយការវិលត្រឡប់មកវិញរបស់ពួកគេ គឺជាការពង្រឹងសេដ្ឋកិច្ចទេសចរណ៍មួយរបស់ជប៉ុន ៕