ក្រសួងការពារជាតិរុស្ស៊ី បាននិយាយថា កងកម្លាំងការពារដែនអាកាសរបស់ខ្លួន បានបាញ់កម្ទេចការវាយប្រហារដោយយានដ្រូនទ្រង់ទ្រាយធំរបស់អ៊ុយក្រែននៅលើឧបទ្វីបគ្រីម៉េដែលទីក្រុងមូស្គូបានបញ្ចូលជាឧបសម្ព័ន្ធពីអ៊ុយក្រែន កាលពីឆ្នាំ២០១៤។

ឧបទ្វីបគ្រីម៉េ ត្រូវបានគេកំណត់គោលដៅដោយក្រុងគីវ ចាប់តាំងពីក្រុងមូស្គូ បានចាប់ផ្តើមការលុកលុយពេញទំហឹងរបស់ខ្លួនលើអ៊ុយក្រែនក្នុងខែកុម្ភៈ ឆ្នាំ២០២២ ប៉ុន្តែបានរងនូវការវាយប្រហារកាន់តែខ្លាំងឡើងក្នុងប៉ុន្មានសប្តាហ៍ថ្មីៗនេះ។

ក្រសួងការពារជាតិរុស្ស៊ី បាននិយាយនៅព្រឹកថ្ងៃសុក្រថា កងកម្លាំងរបស់ខ្លួន បានបាញ់ទម្លាក់យានដ្រូន ចំនួន ៩គ្រឿង ខណៈដែល ៣៣ នាក់ផ្សេងទៀត ត្រូវបានបង្ក្រាបដោយសង្គ្រាមអេឡិចត្រូនិក ហើយបានធ្លាក់ដោយមិនបានទៅដល់គោលដៅ។

ក្រសួងមិនបានបញ្ជាក់លម្អិតថាតើមានការខូចខាតឬក៏មានអ្នករងរបួសឬស្លាប់នោះទេ ដោយបានបន្ថែមថា ខ្លួនក៏បានបាញ់ទម្លាក់មីស៊ីលបាញ់ដោយអ៊ុយក្រែនពីលើតំបន់ Kaluga ដែលជាប់ព្រំដែនតំបន់មូស្គូ។