អ្នកតវ៉ារាប់រយនាក់បានប្រមូលផ្តុំគ្នានៅមុខមូលដ្ឋានយោធាបារាំងក្នុងរដ្ឋធានី Niamey របស់ប្រទេសនីហ្សេ កាលពីថ្ងៃសុក្រ ដោយគម្រាមថានឹងសម្រុកចូលមូលដ្ឋាននេះ ប្រសិនបើកងទ័ពមិនចាកចេញពីប្រទេសអាហ្វ្រិកខាងលិចមួយនេះ ក្នុងរយៈពេលមួយសប្តាហ៍ទេនោះ។ ការតវ៉ានេះបានកើតមានឡើងនៅថ្ងៃតែមួយនៃរបបយោធានីហ្សេ ដែលបានដណ្តើមអំណាចដោយរដ្ឋប្រហារកាលពីថ្ងៃទី ២៦ ខែកក្កដា ដែលបានបញ្ជាឱ្យឯកអគ្គរដ្ឋទូតបារាំងចាកចេញពីប្រទេសនេះ ក្នុងរយៈពេល ៤៨ ម៉ោង ជាសញ្ញា នៃការធ្លាក់ចុះយ៉ាប់យ៉ឺនបន្ថែមទៀតនៅក្នុងទំនាក់ទំនងរវាងមេដឹកនាំរដ្ឋប្រហារ និងប្រទេសលោកខាងលិច។
ដូចជាការធ្វើរដ្ឋប្រហារកាលពីពេលថ្មីៗនេះនៅប្រទេសជិតខាងបួរគីណាហ្វាសូនិងប្រទេសម៉ាលី ការដណ្តើមកាន់កាប់របស់យោធានៅប្រទេសនីហ្សេ បានកើតឡើងក្នុងពេលមានការកើនឡើងការរួមគ្នាប្រឆាំងបារាំង ដោយពលរដ្ឋក្នុងតំបន់មួយចំនួនបានចោទប្រកាន់ប្រទេសអឺរ៉ុបមួយនេះថាបានជ្រៀតជ្រែកក្នុងកិច្ចការរបស់ពួកគេ។
ប្រទេសនីហ្សេ មានសារៈសំខាន់ជាយុទ្ធសាស្ត្រ ខណៈជាប្រទេសផលិតអ៊ុយរ៉ាញ៉ូមធំបំផុតមួយរបស់ពិភពលោក និងជាមូលដ្ឋានសម្រាប់កងទ័ពបារាំង សហរដ្ឋអាមេរិក និងកងទ័ពបរទេសផ្សេងទៀត ដែលកំពុងជួយប្រយុទ្ធប្រឆាំងក្រុមសកម្មប្រយុទ្ធអ៊ីស្លាមនិយមនៅក្នុងតំបន់៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
