វិមានក្រឹមឡាំង បាន​បដិសេធ​ចំពោះ​ការ​ជាប់​ពាក់ព័ន្ធ​ណាមួយ​ក្នុង​ការស្លាប់​ដែលនៅ​មាន​ការ​សង្ស័យ​របស់​ប្រធាន​ក្រុមហ៊ុនទាហានស៊ីឈ្នួលក្រុមហ៊ុន Wagner លោក Yevgeny Prigozhin។ អ្នកនយោបាយ​ និង​អ្នក​អធិប្បាយ​ប្រទេសលោកខាងលិច បាននិយាយដោយគ្មានភស្តុតាង ដែលថាលោ Prigozhin ត្រូវបាន​ធ្វើ​ឃាត​តាមបទបញ្ជារបស់ទីក្រុងមូស្គូ។ ការប៉ះបោរបរាជ័យរបស់លោក Prigozhin ដែលមាន​រយៈ​ពេល​ពិត​ប្រាក​ដ២ខែ មុនការធ្លាក់យន្តហោះនេះ គឺជាការប្រឈមធំបំផុតចំពោះរបបលោក Putin ចាប់តាំងពី​លោក​ឡើង​កាន់អំណាចក្នុងឆ្នាំ១៩៩៩។ ប៉ុន្តែការនិយាយលើកឡើងកាលពីថ្ងៃសុក្រ ដោយអ្នក​នាំ​ពាក្យ​របស់​លោក ប្រធានាធិបតី Vladimir Putin លោក Dmitry Peskov បញ្ជាក់ថា​ការ​ចោទ​ប្រកាន់​ដែល​ថា​រុស្ស៊ី បានផ្តល់បទបញ្ជាឲ្យសម្លាប់លោក គឺជាការនិយាយកុហក់។ បច្ចុប្បន្ន មាន​ការ​យល់​ស្រប​ដ៏​ទូលំ​ទូលាយ​ពី​ការសន្និដ្ឋានជុំវិញការធ្លាក់យន្តហោះនេះ និងការស្លាប់អ្នកដំណើរនៅលើយន្តហោះ ដែល​រួម​មាន​ទាំង​លោក Yevgeny Prigozhin ។ ជាការពិត នៅប្រទេសលោកខាងលិច ការសន្និដ្ឋាននេះ ត្រូវ​បាន​បង្ហាញ​ពី​មុំ​មួយដែលគេដឹងយ៉ាងច្បាស់។ ទាំងអស់នេះ គឺជាការភូតកុហក់ទាំងស្រុង ហើយវា​ចាំ​បាច់​ត្រូវ​ពឹង​ផ្អែក​លើ​ការពិតយ៉ាងខ្លាំងនៅពេលមានការបិទបាំងបញ្ហានេះ។ នៅពុំទាន់មានការពិតនៅឡើយនោះទេ ព្រោះ​វាចាំបាច់ត្រូវបង្កើតឡើងក្នុងសកម្មភាពស៊ើបអង្កេត ដែលនឹងត្រូវធ្វើឡើងនៅពេលនេះ។ កាល​ពី​ម្សិល​មិញ និយាយពីប្រធានបទនេះលោកប្រធានាធិបតី និយាយថា លោក​កំពុង​រង់​ចាំ​លទ្ធផល​ នៃ​ការ​ស៊ើប​អង្កេត ដែលនឹងត្រូវបញ្ចប់នៅក្នុងពេលដ៏ខ្លី ហើយយើងនឹងបានស្វែងយល់ពីព័ត៌មានលម្អិត។ អាជ្ញាធរអាកាសចរណ៍រុស្ស៊ី បាននិយាយថា លោក Prigozhin ស្ថិតនៅលើយន្តហោះឯកជន ដែលបាន​ធ្លាក់​កាល​ពីល្ងាចថ្ងៃពុធ នៅភាគពាយព្យទីក្រុងមូស្គូ ដោយគ្មានអ្នកនៅរស់រានមានជីវិតឡើយ។ ប៉ុន្តែ​លោក Peskov បានច្រានចោលចំពោះការអះអាងយ៉ាងច្បាស់លាស់នៃការស្លាប់របស់លោក Prigozhin ដោយ​លើកឡើងពីតម្រុវការចាំបាច់ដើម្បីរង់ចាំលទ្ធផលតេស្ត។ ទោះជាយ៉ាងណា លើបញ្ហានេះ កាល​ពី​ថ្ងៃ​ព្រហស្បតិ៍​លោកប្រធានាធិបតី Putin បានផ្ញើរការចូលរួមរំលែកទុក្ខដល់ក្រុមគ្រួសារអ្នកដែលបានស្លាប់ និង​បាននិយាយអំពីលោក Prigozhin ក្នុងពេលអតីតកាល ដោយនិយាយថា លោក​បាន​ធ្វើ​ឲ្យ​មាន​កំហុស​ធ្ងន់ធ្ងរមួយចំនួន៕