សមាជិកថ្មី នៃក្រុមប្រឹក្សាបោះឆ្នោតជាតិប្រទេសវ៉េណេហ្ស៊ុយអេឡាបានចូលកាន់តំណែង កាលពីថ្ងៃសុក្រ និង​បានអនុម័តការតែងតាំង អ្នកមានភាពស្មោះត្រង់ម្នាក់តាមសំណើគឺលោក Elvis Amoroso ជា​ប្រធាន​អាជ្ញាធរ​បោះឆ្នោត​ជាន់ខ្ពស់របស់ប្រទេសនេះ។

លោក Amoroso ដែលត្រូវបានដាក់ទណ្ឌ​កម្ម​ដោយ​សហរដ្ឋ​អាមេរិក បានចំណាយពេល៥ឆ្នាំ ជា​ប្រធាន​ការិយាល័យ​អគ្គពិនិត្យ ដែលការិយាល័យនេះពិនិត្យមើលការប្រើប្រាស់ទ្រព្យសម្បត្តិសាធារណៈ។

ការិយាល័យត្រួតពិនិត្យ បានចេញសេចក្តីសម្រេច ប្រឆាំងអ្នកនយោបាយប្រឆាំង ដោយរារាំង​ពួក​គេ​មិន​ឲ្យ​ឈរ​ឈ្មោះស​ម្រាប់តំណែងសាធារណៈ។ ការជ្រើសរើសលោក Amoroso ធ្វើឡើង​ខណៈ​ទីក្រុង​វ៉ាស៊ីន​តោន បាននិយាយថា ខ្លួនបានត្រៀមដើម្បីបន្ធូរបន្ថយទណ្ឌកម្មលើប្រទេសវ៉េណេហ្ស៊ុយអេឡា ប៉ុន្តែ​លុះ​ត្រាតែ​ប្រធានា​ធិបតីលោក Nicolas Maduroមានចំណាត់ការរឹងមាំចំពោះការបោះឆ្នោតដោយសេរី៕