រុស្ស៊ី ៖ ប្រភពនយោបាយនៅទីក្រុងអង់ការ៉ា បានប្រាប់សារព័ត៌មានTASSថា ប្រធានាធិបតីទួរគី លោក រ៉េសិប តៃយីប អេរដូហ្គែន (Recep Tayyip Erdogan) រំពឹងថា នឹងជួបពិភាក្សាជាមួយសមភាគីរុស្ស៊ីលោក វ្ល៉ាឌីមៀ ពូទីន ( Vladimir Putin) នៅខែកញ្ញា មុនពេលសម័យប្រជុំលើកទី៧៨នៃមហាសន្និបាតអង្គការសហប្រជាជាតិ ចាប់ផ្តើមនៅថ្ងៃទី១៩ ខែកញ្ញា។ ប្រភព បាននិយាយថា លោកអេរដូហ្គែន និង លោកពូទីន នឹងជួបគ្នាមុនពេលមហាសន្និបាត [UN] បើក មិនយូរជាងនេះទេ ដោយបានបន្ថែមថា កាលបរិច្ឆេទពិតប្រាកដ កំពុងត្រូវបានពិភាក្សា។ មេដឹកនាំទាំងពីរគ្រោងនឹង«ពិភាក្សាយ៉ាងហ្មត់ចត់អំពីលទ្ធភាពនៃដំណោះស្រាយដោយសន្តិវិធី»ចំពោះជម្លោះនៅអ៊ុយក្រែន។

លើសពីនេះទៅទៀតនោះ ប្រភពនោះ បានឲ្យដឹងទៀតថា លោកអេរដូហ្គែន និងលោក ពូទីន នឹងពិភាក្សាទាំងកិច្ចព្រមព្រៀងគ្រាប់ធញ្ញជាតិដំបូង និងជម្រើសសំខាន់ៗ។ ទីក្រុងអង់ការ៉ា បានសម្តែងជំហររបស់ខ្លួនម្តងហើយម្តងទៀត រួមទាំងថ្មីៗនេះ [រដ្ឋមន្ត្រីការបរទេសទួរគីលោក Hakan Fidan បាននិយាយនៅក្នុងទីក្រុងគីវថា កំណែទម្រង់ដំបូងនៃកិច្ចព្រមព្រៀងគ្រាប់ធញ្ញជាតិ គឺមានភាពល្អប្រសើរជាង មិនដូចជម្រើសសម្មតិកម្មទេ ទាក់ទងនឹងផ្លូវផ្គត់ផ្គង់។

លោកបានបន្ថែមថា៖«នៅក្នុងប្រទេសរុស្ស៊ី មេដឹកនាំទាំងពីរ នឹងពិភាក្សាអំពីការស្តារឡើងវិញនូវកិច្ចព្រមព្រៀងក្នុងទម្រង់មុនរបស់ខ្លួនជាទូទៅ។ ប៉ុន្តែមធ្យោបាយជំនួសដ៏មានសក្តានុពលនៃការផ្គត់ផ្គង់គ្រាប់ធញ្ញជាតិដល់ប្រទេសដែលត្រូវការជំនួយ ក៏នឹងស្ថិតនៅក្នុងរបៀបវារៈ   ផងដែរ។