ភ្នំពេញ ៖ ក្រុមហ៊ុន Meta Platforms Inc, បានបដិសេធនូវការផ្ដល់អនុសាសន៍របស់សមាជិកក្រុមប្រឹក្សាភិបាល ត្រួតពិនិត្យនៃក្រុមហ៊ុន Meta Platforms Inc, ចំនួន ២២ រូប ដែលបានស្នើឱ្យផ្អាកជាបណ្ដោះអាសន្ន ចំពោះគណនី Facebook ផ្លូវការរបស់សម្ដេចអគ្គមហាសេនាបតីតេជោ ហ៊ុន សែន។ នេះបើតាមសេច ក្ដីប្រកាសព័ត៌មានរបស់ក្រសួងប្រៃសណីយ៍ និងទូរគមនាគមន៍ ចេញផ្សាយឱ្យដឹងនៅថ្ងៃទី២៩ ខែសី ហា ឆ្នាំ២០២៣។

ប្រភពដដែលបញ្ជាក់បន្ថែមថា ក្រសួងប្រៃសណីយ៍ និងទូរគមនាគមន៍ សូមទទួលយក និងសាទរចំ ពោះការវិនិច្ឆយដ៏ត្រឹមត្រូវរបស់ក្រុមហ៊ុន Meta Platforms Inc,។ ក្រសួងក៏បានចាត់ទុកការសម្រេចនេះ ថា ជាការបញ្ជាក់ឱ្យឃើញអំពីសុចរិតភាពនៃការផ្សព្វផ្សាយមាតិកាព័ត៌មានលើគណនី Facebook ផ្លូវ ការរបស់សម្ដេចអគ្គមហាសេនាបតីតេជោ ហ៊ុន សែន។

ក្រសួងក៏បានប្រកាសស្វាគមន៍ចំពោះតំណាងក្រុមហ៊ុន Meta Platforms Inc, ដើម្បីបន្តបំពេញការងារ នៅកម្ពុជាតទៅទៀត។

ក្រសួងប្រៃសណីយ៍ និងទូរគមនាគមន៍បានបញ្ជាក់បន្ថែមថា ក្រសួងមិនស្វាគមន៍ចំពោះបុគ្គលទាំង ២២ រូប ដែលជាសមាជិកក្រុមប្រឹក្សាភិបាលត្រួតពិនិត្យ នៃក្រុមហ៊ុន Meta Platforms Inc, ដែលបានផ្ដ ល់អនុសាសន៍ដ៏អាក្រក់ មានចរិតនយោបាយ និងជ្រៀតជ្រែកកិច្ចការផ្ទៃក្នុងរបស់កម្ពុជា៕ ដោយ៖ គង់ ឌិន