រដ្ឋាភិបាលចម្រុះបែកបាក់របស់អាល្លឺម៉ង់ កាលពីថ្ងៃអង្គារបានទុករឿងឈ្លោះគ្នារបស់ពួកគេឲ្យនៅមួយឡែកសិន ដោយពួកគេយល់ព្រមលើកញ្ចប់ជំនួយបន្ធូបន្ថយពន្ធសារជីវកម្មតម្លៃ ៧ពាន់លានអឺរ៉ូ(ស្មើនឹង ៧,៥៦ពាន់លានដុល្លារ) ដែលរៀបចំឡើងដើម្បីធ្វើឲ្យអ្វីដែលលោកអធិការបតី Olaf Scholz ថាជាសេដ្ឋកិច្ចទន់ខ្សោយ មានសន្ទុះខ្លាំងឡើងវិញ ។  

 ការព្យាយាមដំបូងដើម្បីអនុម័តកញ្ចប់ថវិការសង្រ្គោះដែលត្រូវបានគេចាត់ទុកថាជា “ច្បាប់ឱកាសកំណើន”ត្រូវបានរារាំងដោយរដ្ឋមន្រ្តីមកពីគណបក្ស Greens Familyលោកស្រី Lisa Pausដែលបានព្យាយាមស្វែងរកថវិកា ១២ពាន់លានអឺរ៉ូសម្រាប់អត្ថប្រយោជន៍គាំទ្រកុមារថ្មី ។ កញ្ចប់ថវិកានេះ ត្រូវបានគេយល់ព្រមសម្រាប់រយៈពេល ៤ឆ្នាំ ។ 

 យោងតាមសេចក្តីស្នើច្បាប់ដែលត្រូវបានមើលឃើញដោយទីភ្នាក់ងារព័ត៌មានរ៉យទ័រ បានឲ្យដឹងថា នៅឆ្នាំដំបូងនៃកញ្ចប់ថវិកាសង្រ្គោះនេះ នឹងធ្វើឲ្យប្រាក់ចំណូលពន្ធធ្លាក់ចុះ ២,៦ពាន់លានអឺរ៉ូសម្រាប់រដ្ឋាភិបាលសហព័ន្ធ ១,៥ពាន់លានអឺរ៉ូសម្រាប់រដ្ឋ និង ១,៩ពាន់លានអឺរ៉ូសម្រាប់ទីក្រុង ។ 

 លោកអធិការបតី Olaf Scholz និយាយថា នោះហើយជាហេតុផលដែលវាសំខាន់នៅក្នុងស្ថានភាពបែបនេះ ហើយនៅត្រង់ចំណុចនេះ ពួកយើងបើកការវាយលុកដោយរដ្ឋាភិបាល ដើម្បីជំរុញកំណើនសម្រាប់ប្រទេសរបស់ពួកយើង ដើម្បីធានាថា ក្រុមហ៊ុននឹងធ្វើការសម្រេចចិត្ត ហើយនិងមិនយកបញ្ហាដាក់មុខ ក្នុងលក្ខខណ្ឌការវិនិយោគទុន និងឱកាសកំណើនសម្រាប់ប្រទេសរបស់ពួកយើង ៕