គម្រោងទីក្រុងឡុងដ្រ៍ ដើម្បីកាត់បន្ថយការបំភាយឧស្ម័នចរាចរណ៍ដោយទូទាត់ប្រចាំថ្ងៃលើរថយន្តបំពុលបរិយាកាសបំផុតនោះ បានពង្រីកដល់ពេញរដ្ឋធានីរបស់អង់គ្លេសមួយនេះ បើទោះបីជាមានការជំទាស់យ៉ាងខ្លាំងពីអ្នកដែលនិយាយថា វានឹងធ្វើឲ្យវិបត្តិថ្លៃចំណាយការរស់នៅកាន់តែធ្ងន់ធ្ងរខ្លាំង ។ 

 តំបន់បំភាយឧស្ម័នទាបបំផុត(ULEZ)ត្រូវបានណែនាំកាលពីឆ្នាំ ២០១៩ តាមតំបន់តូចៗនៅភាគកណ្តាលទីក្រុងឡុងដ្រ៍ ហើយនិងត្រូវបានគេពង្រីកបន្ថែមទៀត កាលពីឆ្នាំ ២០២១ ។ បច្ចុប្បន្នវានឹងបន្តគ្របដណ្តប់លើតំបន់ទាំងមូលដែលមានប្រជាពលរដ្ឋរស់នៅប្រហែល ៥លាននាក់ ដែលតែងតែពឹងផ្អែកតិចតួចលើបណ្តាញដឹកជញ្ជូនសាធារណៈ ។ 

 តំបន់ ULEZត្រូវបានលោកអភិបាលក្រុង Sadiq Khanនិយាយការពារថាចាំបាច់ ដើម្បីកាត់បន្ថយការស្លាប់ដោយសារជំងឺពាក់ព័ន្ធនឹងការបំពុលបរិយាកាស និងដើម្បីប្រយុទ្ធប្រឆាំងបម្រែបម្រួលអាកាសធាតុ ។ 

 ប៉ុន្តែក្រុមប្រឆាំងនិយាយជំទាស់ថា ការទូទាត់ប្រាក់ ១៦ដុល្លារប្រចាំថ្ងៃលើមនុស្សរាប់ពាន់នាក់ដែលបើករថយន្តចាស់ និងបំពុលបរិយាកាសខ្លាំងជាង គឺពុំយុត្តិធម៌នោះទេ អំឡុងវិបត្តិចំណាយលើជីវភាពប្រចាំថ្ងៃ ហើយវានឹងធ្វើឲ្យប៉ះពាល់ដល់សេដ្ឋកិច្ច ៕