​បាល់ទាត់៖ ​អ្នកចាត់ការ​ក្លិប​បារាំង Lille លោក Christophe Galtier បានសំរេច​ចាកចេញ​ពី​តំណែង​ពីរ​ថ្ងៃ​ប៉ុណ្ណោះ​ បន្ទាប់ពី​ដឹកនាំ​ក្រុម​ឈ្នះ​ជើងឯក​លី​គ​កំពូល​បារាំង​។ ​​បុរស​វ័យ ៥៤ឆ្នាំ​រូបនេះ​បាន​ជួយ​ក្រុម Lille ឈ្នះ​ជើងឯក​លី​គ​កំពូល​បា​រាំងជា​លើកដំបូង​ក្នុង​រយៈពេល ១០ឆ្នាំ​កាលពី​ថ្ងៃអាទិត្យ​ដោយ​យកឈ្នះ​ក្រុម​គូប្រជែង Paris Saint Germain មួយ​ពិន្ទុ​។

​​តាមពិតទៅ​លោក Galtier បាន​រំពឹងថា​ នឹង​ចាកចេញ​តាំងពី​ពាក់កណ្តាល​រដូវ​កាល​ម្ល៉េះ ​បន្ទាប់ពី​ក្លិប​មាន​អ្នកវិនិយោគ​ថ្មី​។ ​ថ្ងៃ​អង្គារ​ម្សិលមិញ​នេះដែរ​ក្រុមបាល់ទាត់ Lille បានធ្វើ​ពិធី​ដង្ហែរ​ពាន​អបអរ​សាទរ​ជាមួយ​អ្នកគាំទ្រ​នៅ​កណ្តាល​ទីក្រុង ​មុន​ពេលដែល​ដំណឹង​ចាកចេញ​របស់លោក Christophe Galtier ត្រូវបាន​ប្រកាស​។​ ​រំលឹកថា ​លោក Galtier បាន​ចូលមក​ដឹកនាំ Lille នៅ​ខែធ្នូ​ ឆ្នាំ២០១៧ បន្ទាប់ពី​លោក Marcelo Bielsa ដែល​នៅពេលនោះ Lille ស្ថិតក្នុង​ស្ថានភាព​លំបាក​ក្បែរ​តំបន់​ដែល​ត្រូវ​កាត់ចោល​។ ​ក្រោយមក​លោក​ក៏បាន​ដឹកនាំ​ក្រុម​មិនអោយ​ធ្លាក់​ទៅ​លី​គ​ទី២ ក្នុង​រដូវ​កាលនោះ ខណៈ​រដូវ​កាល​បន្ទាប់​បាន​លេខ២ និងលេខ៤ រដូវ​កាល​មុន ហើយ​នឹង​ជើងឯក​នៅ​រដូវ​កាល​នេះ​។ ​ការចាកចេញ​នេះដែរ​ត្រូវបាន​គេ​ដឹងថា ​លោក Christophe Galtier មាន​ទំនាក់ទំនង​ផ្ទេរ​ទៅ​ទឹកដី​នាំ​ក្លិប​រួម​លី​គ Nice រឺ Lyon៕

​អត្ថបទ​៖​នាង សុភា​វុ​ធ