នគរបាលអ៊ីស្រាអែល និងមន្ត្រីវេជ្ជសាស្ត្រនិយាយថា អ្នកបើកបររថយន្តដឹកទំនិញជនប៉ាឡេស្ទីន បានសម្លាប់ទាហានអ៊ីស្រាអែលម្នាក់ និងបានធ្វើឲ្យរងរបួស២នាក់ផ្សេងទៀត ក្នុងការវាយប្រហារបើករថយន្តបំបុកនៅចំណុចត្រួតពិនិត្យ នៅព្រំដែនជាមួយតំបន់គ្រប់គ្រងWest Bank នៅថ្ងៃព្រហស្បតិ៍នេះ។ ទីបញ្ជាការនគរបាលនិយាយថា អ្នកបើកបររថយន្តត្រូវបានកងទ័ពបាញ់ឲ្យរងរបួស បន្ទាប់ពីការដេញតាម រវាងប៉ុស្តិ៍ត្រួតពិនិត្យ Maccabim និងភូមិ Nilin របស់ប៉ាឡេស្ទីន។ មេបញ្ជាការ និយាយថា អ្នកបើកបររថយន្តមានអាយុ ៤១ឆ្នាំ ជាអ្នកដែលមានការអនុញ្ញាតឲ្យធ្វើការនៅក្នុងប្រទេសអ៊ីស្រាអែល។

ក្រុមសកម្មប្រយុទ្ធអ៊ីស្លាមនិយម Hamas ដែលបានបង្កើនការវាយប្រហារនៅក្នុងតំបន់ West Bank ក្នុងការប្រឈមជាមួយអ៊ីស្រាអែល និងអាជ្ញាធរប៉ាឡេស្ទីនគាំទ្រដោយអន្តរជាតិ បានចាត់ទុកឧបទ្ទវហេតុនេះថាជា ប្រតិបត្តិការដ៏ក្លាហាន ប៉ុន្តែពុំបានអះអាងពីការកំណត់អត្តសញ្ញាណនោះទេ។

តំបន់ west Bank ស្ថិតក្នុងចំណោមតំបន់ជាច្រើនដែលប៉ាឡេស្ទីន ស្វះស្វែងបង្កើតរដ្ឋ ដែលបានមើលឃើញពីការកើនឡើងអំពើហិង្សាក្នុងប៉ុន្មានខែថ្មីៗនេះ។