ចាប់ពីការប្រើប្រាស់អុស រហូតដល់ធ្យូង ហើយនិងអគ្គិសនី ក្រុមហ៊ុន BURN ដែលមានមូលដ្ឋាននៅប្រទេសកេនយ៉ា កំពុងផលិតចង្រ្កានស្អាត និងប្រើឥន្ធនៈមានប្រសិទ្ធិភាពជាងមុន ដើម្បីជួយពន្យឺតការកាប់បំផ្លាញព្រៃឈើ និងកាត់បន្ថយការបំភាយឧស្ម័នកាបូន ។

ការធ្វើឲ្យចង្រ្កានមានតម្លៃកាន់តែថោកសមរម្យសម្រាប់គ្រួសាររកប្រាក់ចំណូលទាបនៅក្នុងតំបន់ ក្រុមហ៊ុនមួយនេះ នឹងប្រើប្រាស់គុណសម្បត្តិកាបូន ដើម្បីជួយបញ្ចុះតម្លៃ ។

ស្ថិតនៅក្នុងស្រុក Kiambuប្រទេសកេនយ៉ា ចំនួនកម្មករដាំដំណាំតែ បានជំនួសចង្ក្រានថ្ម ៣ដុំតាមទំនៀមទម្លាប់របស់ពួកគេ ជាមួយនឹងចង្រ្កានផលិតដោយក្រុមហ៊ុន BURN ។

អ្នកស្រី Loice Wanjiku គឺជាពលរដ្ឋមួយរូបរស់នៅស្រុក Kiambu បានប្រើប្រាស់ចង្រ្កានរបស់អ្នកស្រីអស់រយៈពេល ៥ឆ្នាំមកហើយ ។ អ្នកស្រីនិយាយថា វាថោកជាង ដោយសារតែវាប្រើប្រាស់អុសតិច ហើយការប្តូរមកប្រើចង្រ្កាននេះ បានផ្តល់អត្ថប្រយោជន៍ដល់សុខភាពគ្រួសាររបស់អ្នកស្រីផងដែរ ។

អ្នកស្រីបន្តថា ផ្សែងលែងប៉ះពាល់ភ្នែករបស់ខ្ញុំ ឬធ្វើឲ្យខ្ញុំត្រជាក់ ពីព្រោះថាសូម្បីតែខ្ញុំចម្អិនអាហារជាមួយសង្រ្កាននៅក្នុងបន្ទប់ទទួលភ្ញៀវ ក៏គ្មានផ្សែងដែរ ។ ក្មេងៗនឹងរៀន ពេលដែលអ្នកចម្អិតអាហារ ដោយគ្មានបញ្ហានោះទេ ។ ដោយឡែក លោក Samuel Murekefuគឺជាប្រធានផ្នែកនវានុវត្តន៍របស់ក្រុមហ៊ុន BURN ពន្យល់ថា ការសំខាន់ចំពោះការកាត់បន្ថយការប្រើប្រាស់អុស ឬធ្យូង គឺជាការបាត់បង់កម្តៅកម្រិតអប្បបរមាដល់បរិស្ថាន ។

ក្រុមហ៊ុនមួយនេះ និយាយថា ពួកគេបានលក់ចង្រ្កានជាង ៣លានចង្រ្កាននៅអនុតំបន់សាហារ៉ា ៕