លោក Le Maire គឺជារដ្ឋមន្រ្តីក្រសួងហិរញ្ញវត្ថុបារាំង បាននិយាយកាលពីថ្ងៃព្រហស្បតិ៍ថា លោកបានឈានដល់កិច្ចព្រមព្រៀងជាមួយក្រុមហ៊ុនលក់ និងផលិតចំណីអាហារ ដើម្បីបង្កើនវិធានការប្រឆាំងនឹងអតិផរណា ប៉ុន្តែលោកបញ្ជាក់ថា ក្រុមហ៊ុន Unilever, Nestle និងក្រុមហ៊ុន PepsiCo ស្ថិតនៅក្នុងចំណោមក្រុមហ៊ុនដែលលោកនិយាយថា បានបដិសេធន៍មិនចូលរួមកិច្ចសហប្រតិបត្តិការជាមួយកិច្ចព្រមព្រៀង ។

លោក Maire និយាយនៅក្នុងបទសម្ភាសន៍ផ្សាយតាមកញ្ចក់ទូរទស្សន៍ រយៈពេល ២ថ្ងៃក្រោយកិច្ចប្រជុំជាមួយក្រុមប្រធានផ្នែកប្រតិបត្តិថា ក្រុមហ៊ុន បានប្តេជ្ញាចិត្តបង្កក ឬកាត់បន្ថយតម្លៃលើផលិត ៥ពាន់មុខជារៀងរាល់ថ្ងៃ ។

លោកនិយាយផងដែរថា ក្រុមហ៊ុនបានយល់ព្រមលើកកិច្ចចរចាលើតម្លៃប្រចាំឆ្នាំ ដែលកាលពីដំបូងឡើយគ្រោងនឹងធ្វើឡើងនៅឆ្នាំក្រោយនោះ មកនៅខែកញ្ញានេះវិញ ជាមួយនឹងទស្សនៈកាត់បន្ថយតម្លៃចាប់ពីខែមករាឆ្នាំក្រោយតទៅ ។

គួរឲ្យដឹងថា រដ្ឋាភិបាលបារាំង ចង់កាត់បន្ថយតម្លៃចំណីអាហារ និងផលិតទំនិញផ្សេងទៀត ស្របពេលដែលទិន្នន័យកាលពីថ្ងៃព្រហស្បតិ៍ បង្ហាញថាអតិផរណាចំណីអាហារ នៅតែដំណើរការក្នុងអត្រាអតិផរណាសរុបទ្វេដង បើទោះបីជាឈប់កើនឡើងដល់កម្រិតកំពូលកាលពីដើមឆ្នាំនេះក៏ដោយ ៕