ក្រុមធម្មយាត្រាអ៊ីរ៉ង់ បានធ្វើដំណើរឆ្លងកាត់តំបន់ព្រំដែន Zurbatia ចូលទៅក្នុងប្រទេសអ៊ីរ៉ាក់ ទៅកាន់ទីក្រុង Kerbala សម្រាប់ពិធីបុណ្យសាសនានិកាយស៊ីអ៊ីតប្រចាំឆ្នាំ Arbaeen ។

លោក Atef Naji គឺជាប្រធានតំបន់ឆ្លងកាត់ព្រំដែន Zurbatia និយាយថា ក្រុមធម្មយាត្រាអ៊ីរ៉ង់ជាង ១លាននាក់ បានឆ្លងកាត់ព្រំដែន ហើយចំនួននេះ ត្រូវបានគេរំពឹងថា នឹងកើនឡើងបន្ថែមទៀត នៅក្នុងរយៈពេលប៉ុន្មានថ្ងៃខាងមុខ ពេលជិតដល់កាលបរិច្ឆេតប្រារព្ធពិធីបុណ្យ Arbaeen ។

មនុស្សរាប់លាននាក់ នឹងធ្វើដំណើរទៅកាន់ទីក្រុង Kerbala របស់ប្រទេសអ៊ីរ៉ាក់ជារៀងរាល់ឆ្នាំ សម្រាប់ពិធីបុណ្យសាសនាដែលជាការប្រារព្ធដំណាច់ការកាន់ទុក្ខរយៈពេល ៤០ថ្ងៃសម្រាប់ចៅប្រុស Imam Hussein របស់ព្យាការី Mohammad ។

លោក Sabiha Mohammadគឺជាអ្នកធ្វើធម្មយាត្រាអ៊ីរ៉ង់មួយរូប និយាយថា ខ្ញុំមកពីទីក្រុងតេអេរ៉ង់ ហើយខ្ញុំមកលេងចៅប្រុសព្យាការី Mohammad លោក Imam Hussain ។ អគុណព្រះដែលផ្តល់ស្ថានភាពល្អបែបនេះ ពួកយើងធ្លាប់ ឮថា ស្ថានភាពមិនល្អទេ ប៉ុន្តែសូមអរគុណ កាលដែលខ្ញុំឃើញសេវាកម្មល្អ ពិសេសគឺល្អគ្រប់បែបយ៉ាងសម្រាប់អ្នកទាំងអស់គ្នាដែលមកទីនេះ ។

នាង Ali Rida គឺជាអ្នកធ្វើធម្មយាត្រាមួយរូបទៀតរបស់អ៊ីរ៉ង់ និយាយដែរថា អរគុណព្រះ សេវាកម្មល្អជាងឆ្នាំមុន ។ វាមានអាកាសធាតុក្តៅ ប៉ុន្តែឆ្នាំនេះ ពួកគេដំឡើងកង្ហាសម្រាប់ក្រុមធម្មយាត្រា និងទីតាំងក៏ល្អប្រសើរជាងមុន ហើយចំនួនអ្នកធ្វើធម្មយាត្រានៅឆ្នាំនេះ ក៏ច្រើនជាងឆ្នាំមុន ។

សូមបញ្ជាក់ថា ពិធីបុណ្យ Arbaeen ឆ្នាំនេះ នឹងចាប់ផ្តើមនៅថ្ងៃទី ៥-៦ ខែកញ្ញាខាងមុខនេះ ៕