តម្រូវការធ្យូងថ្មដែលជាឥន្ធនៈហ្វូស៊ីលបំពុល និងកខ្វក់ជាងគេបំផុតនោះ បានស្ថិតក្នុងកម្រិតខ្ពស់បំផុតពុំធ្លាប់ដែលមាន ប៉ុន្តែក្រុមហ៊ុនផលិតរូបធាតុមួយនេះ យល់ឃើញថាពួកគេកាន់តែពិបាកក្នុងការទទួលបានការធានារ៉ាប់រង ។ 

 ក្រុមហ៊ុនធានារាប់រងរាប់សិបកន្លែង បានប្រកាសការរឹតត្បិតលើការធានារបស់ពួកគេសម្រាប់វិស័យមួយនេះ ជាពិសេសសម្រាប់គម្រោងថ្មី ស្របពេលដែលពួកគេប្រឈមនឹងសំពាធខាងក្រៅពីក្រុមដែលចង់កំណត់ការរួមចំណែករបស់ធ្យូងថ្មចំពោះការឡើងកម្តៅផែនដី ។ 

 យោងតាមទិន្នន័យឈ្មួញកណ្តាល បានឲ្យដឹងថា ក្រុមផលិតមួយចំនួន បានបោះបង់ចោលប្រាក់រាប់សិបលានដុល្លារ ដើម្បីការពារហានិភ័យផ្ទាល់ខ្លួនរបស់ពួកគេ ស្របពេលដែលបុព្វលាភរ៉ាប់រង កើនឡើងជិតដល់ ៣ដង រហូតដល់ចំណុចគោលឧស្សាហកម្ម ។ 

 ស្ថានភាពបែបនេះ បង្កការលំបាកកាន់តែខ្លាំង និងចំណាយកាន់តែច្រើនលើការធ្វើធុរកិច្ច ស្របពេលដែលការហក់ឡើងតម្រូវការ បានចាប់ផ្តើមឡើង ក្រោយការវាយលុករបស់រុស្ស៊ីទៅលើអ៊ុយក្រែនកាលពីឆ្នាំ ២០២២ ។ 

 ទីភ្នាក់ងារថាមពលអន្តរជាតិ និយាយថា តម្រូវការឆ្នាំនេះ នឹងកើនឡើងដល់កម្រិតកំពូលលើសកាលពីឆ្នាំមុន ។ 

 សូមបញ្ជាក់ថា កម្មករអណ្តែងរ៉ែធ្យូងថ្ម ត្រូវការការធានារ៉ាប់រង់ខ្លាំង សម្រាប់អ្វីៗគ្រប់បែបយ៉ាងចាប់ពីប្រតិបត្តិការរហូតដល់ទ្រព្យសម្បត្តិ សម្ភារៈ និងទំនួលខុសត្រូវបរិស្ថាន ៕