រូបភាពវីដេអូឃ្លីបពីទូរទស្សន៍រដ្ឋចិន CCTV ឃើញការត្រៀមខ្លួនសម្រាប់ការមកដល់របស់ព្យុះទីហ្វុង Saola នៅតាមតំបន់ឆ្នេរភាគអាគ្នេយ៍ប្រទេសចិន ។ 

 ទូកនេសាទនៅខេត្តភាគអាគ្នេយ៍ហ៊្វូជាន់ និងខេត្តក្វាងទុង បានចូលចតតាមកំពង់ផែរបស់ពួកគេ ហើយទូកសង្រ្គ ត្រូវបានត្រៀម ស្របពេលដែលមនុស្សជាង ១០ម៉ឺននាក់ ជួយដោយក្រុមការងារសង្រ្គោះបន្ទាន់ ត្រូវបានជម្លៀសចេញពីតំបន់គ្រោះថ្នាក់ ។ 

 ដោយឡែក នៅថ្ងៃសុក្រនេះ ប្រជាពលរដ្ឋរស់នៅទីក្រុងហុងកុង បានប្រឈមការមកដល់របស់ព្យុះ Saola ខណៈដែលក្រុមអាជ្ញាធរ បានដំឡើងសញ្ញាខ្យល់ខ្លាំងដល់កម្រិតទី ៨ ធ្វើឲ្យសាលារៀន និងអគារធុរកិច្ចនៅក្នុងទីក្រុងមួយនេះ បានបិទទ្វារ ។ 

 ប្រជាពលរដ្ឋហុងកុងមួយចំនួន បានត្រៀមខ្លួនដោយបិទស្កុតបង្អួចផ្ទៃល្វែងរបស់ពួកគេ ខណៈដែលសាលារៀននៅទីក្រុងហុងកុង បានបិទទ្វារផងដែរ ។ 

 ក្រុមអ្នកសង្កេតការណ៍ហុងកុង និយាយថា ស្ថានភាពអាកាសធាតុ អាចនឹងកាន់តែធ្ងន់ធ្ងរទៅយ៉ាងឆាប់រហ័ស ពេលដែលព្យុះបោកបក់ដល់ដីគោក ហើយពួកគេគិតគូរពីការចេញសញ្ញាប្រកាសអាសន្នពីព្យុះស៊ីក្លូនគ្រោះថ្នាក់ជាងមុងនៅថ្ងៃសុក្រនេះ ។ 

 មន្ទីរឧតុនិយមជាតិចិន បានិយាយថា ព្យុះទីហ្វុង Saola អាចនឹងបោកបក់មកដល់ដីគោកនៅយប់ថ្ងៃសុក្រនេះ ឬព្រឹកថ្ងៃសៅរ៍ ៕