កំណើនការងារនៅសហរដ្ឋអាមេរិក ទំនងជាបានធ្លាក់ចុះ ក្នុងខែសីហា ដែលមួយផ្នែកឆ្លុះបញ្ចាំងពីការធ្វើកូដកម្មដ៏គួរចាប់អារម្មណ៍របស់តារាហូលីវូដ និងការក្ស័យធនរបស់ក្រុមហ៊ុនដឹកទំនិញធំមួយ ប៉ុន្តែអត្រាគ្មានការងារធ្វើ ប្រហែលជាមានកម្រិតទាបជាង ៥០ឆ្នាំ ខណៈដែលលក្ខខណ្ឌទីផ្សារការងារ នៅតែមានសភាពតូចចង្អៀត។

មានទំនោរសម្រាប់បញ្ជីប្រាក់បៀវត្សរ៍មិនមែនកសិកម្មដំបូង ដែលរាប់ថា មានការថយចុះ នៅក្នុងខែសីហា។ ហេតុដូច្នេះហើយ សេដ្ឋវិទូ កំពុងព្រមានប្រឆាំងនឹងការបកស្រាយច្រើនពេកទៅលើការធ្លាក់ចុះយ៉ាងខ្លាំងនៃការកើនឡើងការងារ នៅពេលដែលនាយកដ្ឋានការងារចេញផ្សាយរបាយការណ៍ការងារ ដែលត្រូវបានឃ្លាំមើលយ៉ាងដិតដល់របស់ខ្លួន នៅថ្ងៃសុក្រ (ទី១ ខែកញ្ញា) នេះ។

ការិយាល័យស្ថិតិការងាររបស់នាយកដ្ឋានការងារ ដែលចងក្រងរបាយការណ៍ការងារ បានរាយការណ៍ថាមានកម្មករជិត ១៨.០០០នាក់ បានធ្វើកូដកម្ម ក្នុងអំឡុងពេលដែលខ្លួនប្រមូលទិន្នន័យ សម្រាប់របាយការណ៍ ខែសីហា ក្នុងនោះរួមទាំងចំនួន ១៦.០០០នាក់ ដែលជាសមាជិកសហព័ន្ធទូរទស្សន៍ និងវិទ្យុអាមេរិកផងដែរ។

កម្មករដែលធ្វើកូដកម្ម មិនត្រូវបានរាប់បញ្ចូលថា ជាការធ្វើការងារនោះទេ។ ក្រុមហ៊ុនឡានដឹកទំនិញ Yellow Corp បានដាក់ពាក្យសុំក្ស័យធន សម្រាប់ជំពូកទី១១ នៅដើមខែសីហា ដែលធ្វើឲ្យកម្មករប្រហែល ៣០.០០០នាក់ គ្មានការងារធ្វើ។ កត្តាទាំង២នេះ នឹងបង្កជាឧបសគ្គដល់ការមានការងារធ្វើតែម្ដង៕