យោងតាមក្រុមទីប្រឹក្សានិងក្រុមហ៊ុនដែលតាមដានការដឹកជញ្ជូនប្រេងបានឲ្យដឹងថា ទិន្នផលប្រេងនិង ការនាំចេញរបស់ប្រទេសអ៊ីរ៉ង់ បានកើនឡើង ក្នុងខែសីហា បើទោះបីជាមានការដាក់ទណ្ឌកម្មពីសហរដ្ឋអាមេរិកក្តី ខណៈដែលទីក្រុងតេអេរ៉ង់លក់ទៅឲ្យក្រុមអ្នកទិញរួមទាំងប្រទេសចិនផងដែរ។

ក្រុមអ្នកវិភាគ បាននិយាយថា ការនាំចេញកាន់តែខ្ពស់ ហាក់ដូចជាលទ្ធផលនៃភាពជោគជ័យរបស់អ៊ីរ៉ង់ក្នុងការគេចចេញពីការដាក់ទណ្ឌកម្មរបស់សហរដ្ឋអាមេរិក និងការសម្រេចចិត្តរបស់ទីក្រុងវ៉ាស៊ីនតោន ក្នុងការពង្រឹងទណ្ឌកម្មទាំងនោះ ខណៈដែលប្រទេសទាំងពីរ ស្វែងរកទំនាក់ទំនងឲ្យកាន់តែប្រសើរឡើង។

សហរដ្ឋអាមេរិក បានព្យាយាមកំណត់ការនាំចេញប្រេងរបស់អ៊ីរ៉ង់ ចាប់តាំងពីលោក ដូណាល់ ត្រាំ (Donald Trump) បានចាកចេញពីកិច្ចព្រមព្រៀងនុយក្លេអ៊ែរឆ្នាំ ២០១៥ ក្នុងឆ្នាំ ២០១៨ និងបានដាក់ទណ្ឌកម្មឡើងវិញក្នុងគោលបំណងទប់ស្កាត់ប្រាក់ចំណូលពីរដ្ឋាភិបាលអ៊ីរ៉ង់។ ប៉ុន្តែការនាំចេញបានកើនឡើងក្នុងអំឡុងអាណត្តិរបស់លោកប្រធានាធិបតី ចូ បៃដិន ដោយប្រទេសចិនជាអ្នកទិញឈានមុខគេ នេះបើយោងតាមអ្នកតាមដានឧស្សាហកម្មនេះ។

SVB International ដែលជាអ្នកប្រឹក្សាយោបល់ បានប៉ាន់ប្រមាណថា ផលិតកម្មប្រេងរបស់អ៊ីរ៉ង់ បានកើនឡើងក្នុងខែសីហាដល់ ៣,១៥ លានបារ៉ែលក្នុងមួយថ្ងៃ (bpd) ដែលជាកម្រិតខ្ពស់បំផុត ចាប់តាំងពីឆ្នាំ ២០១៨ ជាមួយនឹងការនាំចេញប្រេងឆៅ និងផលសំណ ត្រឹមតែក្រោម២លានបារ៉ែលក្នុងមួយថ្ងៃ។