ព្រៃវែង៖រដ្ឋបាលខេត្តព្រៃវែង បានរកឃើញពលរដ្ឋ ២២នាក់ទៀតឆ្លងមេរោគកូវីដ-១៩ ដែលភាគច្រើនសុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ។
ក្នុងសេចក្ដីជូនដំណឹងរបស់ខ្លួន រដ្ឋបាលខេត្តព្រៃវែង បញ្ជាក់ថា ករណីឆ្លងថ្មីទាំងនេះ ត្រូវបានរកឃើញលើពលរដ្ឋ ៨នាក់នៅស្រុកពារាំង បន្ទាប់មករកឃើញលើពលរដ្ឋ ៧នាក់ទៀតនៅស្រុកព្រះស្ដេចនិងពលរដ្ឋ ៣នាក់នៅក្នុងស្រុកស៊ីធរកណ្ដាល។
ចំណែកឯស្រុកពាមជរ រដ្ឋបាលខេត្តនេះបញ្ជាក់ថា បានរកឃើញករណីឆ្លងថ្មីកើតឡើងលើពលរដ្ឋ ២នាក់ ហើយស្រុកបាភ្នំ និងស្រុកស្វាយអន្ទរ ក៏បានរកឃើញករណីឆ្លងថ្មី ១នាក់នៅក្នុងស្រុកនីមួយៗផងដែរ។
បើតាមរដ្ឋបាលខេត្តព្រៃវែង ករណីឆ្លងថ្មី ១៩នាក់ សុទ្ធតែពាក់ព័ន្ធនឹងព្រឹត្តការណ៍សហគមន៍ ២០កុម្ភៈ ហើយ ៣នាក់ទៀត គឺជាករណីនាំចូលដែលត្រូវបានរកឃើញលើពលរដ្ឋកម្ពុជាវិលត្រឡប់មកពីប្រទេសថៃ។
គិតត្រឹមថ្ងៃនេះ ខេត្តព្រៃវែងរកឃើញអ្នកឆ្លងមេរោគកូវីដ-១៩សរុប ៣០៥នាក់ហើយ ក្នុងនោះស្លាប់ ៤នាក់ ត្រូវបានព្យាបាលជាសះស្បើយចំនួន ១៤៣នាក់ ហើយ ១៥៨នាក់ទៀតកំពុងស្ថិតក្រោមការព្យាបាលបន្ត៕អត្ថបទ ៖ សុធី
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
