មេធាវីរបស់ឧបនាយករដ្ឋមន្ត្រីលោក Ahmad Zahid Hamidi បាននិយាយថា តុលាការម៉ាឡេស៊ី នៅថ្ងៃចន្ទ (ទី៤ ខែកញ្ញា) នេះ បានព្រមតាមការស្នើសុំពីព្រះរាជអាជ្ញាឲ្យទម្លាក់ចោលការចោទប្រកាន់ពីបទពុករលួយទាំងអស់ប្រឆាំងនឹងកូនក្ដីរបស់លោក។

លោក Ahmad Zahid គឺជាមន្ត្រីជាន់ខ្ពស់ម្នាក់ ក្នុងចំណោមមន្ត្រីជាន់ខ្ពស់ជាច្រើនរូប ក្នុងនោះរួមទាំងអតីតនាយករដ្ឋមន្ត្រីលោក Najib Razak ដែលត្រូវបានចោទប្រកាន់ពីបទពុករលួយក្នុងឆ្នាំ២០១៨ នៅពេលដែលគណបក្ស United Malays National Organisation (UMNO) ត្រូវបានបោះឆ្នោតទម្លាក់ចេញពីអំណាច ដោយសារតែការមានកំហឹងរាលដាលកាន់តែខ្លាំងឡើង ជុំវិញអំពើពុករលួយ។

លោកបានកាន់តំណែងនៅឯការិយាល័យខ្ពស់បំផុតទី២ នៅក្នុងប្រទេស បន្ទាប់ពីគណបក្ស UMNO បានចូលរួមជាមួយកងកម្លាំងចម្រុះរបស់នាយករដ្ឋមន្ត្រី លោក Anwar Ibrahim ដើម្បីបង្កើតរដ្ឋាភិបាល បន្ទាប់ពីមាននូវការបោះឆ្នោត ដែលបែកបាក់គ្នា កាលពីខែវិច្ឆិកា។

បើយោងតាមទីភ្នាក់ងារសារព័ត៌មានរដ្ឋ Bernama បានឲ្យដឹងថា តុលាការកំពូលនៃទីក្រុងគូឡាឡាំពួ នៅថ្ងៃចន្ទនេះ បានអនុញ្ញាតឲ្យលោក Ahmad Zahid ដែលកំពុងប្រឈមនឹងការចោទប្រកាន់ចំនួន ៤៧ករណី ពីបទរំលោភលើសេចក្ដីទុចិត្ត សូកប៉ាន់ និងការសម្អាតលុ ទទួកបាននូវដោះលែង មិនរាប់ថាស្មើនឹងការដោះលែង បន្ទាប់ពីអង្គជំនុំជម្រះអគ្គមេធាវី (AGC) បានជ្រើសរើសមិនបន្តការស៊ើបអង្កេតលើករណីនេះ។ លោក Ahmad Zahid បានទទួលស្គាល់ពីភាពមិនមានទោសពៃរ៍ ចំពោះរាល់ការចោទប្រកាន់ទាំងអស់៕