អាមេរិក ៖ ក្រុមមន្ត្រី បាននិយាយថា យោធាសហរដ្ឋអាមេរិក គ្រោងនឹងបាញ់បង្ហោះមីស៊ីលបាលិស្ទិកឆ្លងទ្វីប Minuteman III ដែលពុំមានបំពាក់ក្បាលគ្រាប់ ចេញពីរដ្ឋកាលីហ្វ័រនីញ៉ា នៅពេលយប់ ដើម្បីបង្ហាញពីការត្រៀមខ្លួនរបស់កងកម្លាំងនុយក្លេអ៊ែររបស់សហរដ្ឋអាមេរិក។

ការបាញ់បង្ហោះរបស់ទីបញ្ជាការវាយប្រហារសកលរបស់កងទ័ពអាកាស នឹងកើតឡើងក្នុងអំឡុងម៉ោង ១១:៤៧នាទីយប់ថ្ងៃអង្គារ និង នៅម៉ោង៥:៤៧ព្រឹកថ្ងៃពុធ ចេញពីមូលដ្ឋានទ័ពអវកាស Vandenberg នៅ North Vandenberg រដ្ឋកាលីហ្វ័រញ៉ា។

មូលដ្ឋានទ័ពអវកាស Vandenberg បាននិយាយនៅក្នុងសេចក្តីថ្លែងការណ៍មួយកាលពីខែសីហា ដែលប្រកាសពីការបាញ់បង្ហោះនេះថា ការបាញ់បង្ហោះនេះ គឺជាការសាកល្បងជាប្រចាំដែលត្រូវបានកំណត់ពេលជាច្រើនឆ្នាំជាមុន ហើយត្រូវបានធ្វើឡើងដើម្បីបញ្ជាក់ និងផ្ទៀងផ្ទាត់ប្រសិទ្ធភាព ការត្រៀមខ្លួននិងភាពត្រឹមត្រូវនៃប្រព័ន្ធអាវុធនេះ។

រដ្ឋលេខាធិការសារព័ត៌មានមន្ទីរបញ្ចកោណ លោកឧត្តមសេនីយ៍ត្រី Pat Ryder បានប្រាប់អ្នកសារព័ត៌មានក្នុងអំឡុងសន្និសីទសារព័ត៌មានកាលពីថ្ងៃអង្គារថា សហរដ្ឋអាមេរិក បានបញ្ជូនការជូនដំណឹងជាមុនទៅកាន់ក្រមប្រតិបត្តិទីក្រុងឡាអេ ហើយថា ខ្លួនបានជូនដំណឹងដល់រដ្ឋាភិបាលរុស្ស៊ី ដោយអនុលោមតាមកាតព្វកិច្ចទ្វេភាគីដែលមានស្រាប់។