កសិករដាំដំណាំកាហ្វេអ៊ុយហ្គង់ដា លោក Allan Green នឹងប្រើប្រាស់បច្ចេកវិទ្យាទំនើបដូចជាប្រព័ន្ធធារាសាស្រ្តបន្តក់ទឹក និងដាក់ជីសិប្បនិម្មិត ដើម្បីទប់ទល់នឹងផលប៉ះពាល់ដោយសារបម្រែបម្រួលអាកាសធាតុដែលធ្វើឲ្យផលិតផលដំណាំកាន់តែពិបាកខ្លាំង លើវិស័យនាំចេញកំពូលសណ្តែករបស់អាហ្វ្រិក ។

ក្រុមមន្រ្តីរដ្ឋាភិបាល ក្រុមប្រតិបត្តិធុរកិច្ច និងក្រុមយុទ្ធនាការអាកាសធាតុ នឹងជួបជុំគ្នានៅក្នុងរដ្ឋធានីណៃរ៉ូប៊ី របស់ប្រទេសកេនយ៉ា ក្នុងសប្តាហ៍នេះ ដើម្បីពិភាក្សាលើការបង្កើនហិរញ្ញវត្ថុអាកាសធាតុ ហើយការផ្លាស់ប្តូរប្រព័ន្ធស្បៀងអាហារ ។

ក្រុមកសិករដូចជាលោក Green នឹងផ្តល់ទស្សនៈចំពោះបច្ចេកវិទ្យាអ្វីខ្លះដែលនឹងដំណើរការនៅអាហ្វ្រិក និងវិធីដែលពួកគេអាចប្រើប្រាស់ដើម្បីយកឈ្នះផលប៉ះពាល់ដោយសារបម្រែបម្រួលអាកាសធាតុនៅតាមបណ្តាប្រទេសជាច្រើនដូចជានៅអ៊ុយហ្គង់ដា ជាកន្លែងដែលលំនាំទឹកភ្លៀងនឹងផ្លាស់ប្តូរតាមរដូវ ហើយតំបន់ខ្លះទៀតនឹងប្រែទៅជាស្ងួត និងមិនសូវអំណោយផលដល់ការដំាដំណាំកាហ្វេ ។

ក្រុមកសិករដាំដំណាំកាហ្វេនៅអ៊ុយហ្គង់ដា និយាយថា ភ្លៀងចាប់ផ្តើមធ្លាក់យឺត ឬឆាប់ជាងវាធ្លាក់តាមធម្មតា ហើយជួនកាលធ្លាក់ទាបជាងធម្មតា ឬធ្លាក់ច្រើនជ្រុល ហើយនិងធ្វើឲ្យខូចដំណាំ ខណៈដែលគ្រោះរាំងស្ងួតមានរយៈពេលកាន់តែយូរ និងកាន់តែធ្ងន់ធ្ងរ ។

លោក Green និយាយថា ដំាដំណាំកាហ្វេជោគជ័យនៅពេលបច្ចុប្បន្នក្នុងប្រទេសអ៊ុយហ្គង់ដា កសិករត្រូវតែវិនិយោគលើវិធានការកាត់បន្ថយអាកាសធាតុ ជាពិសេសគឺប្រព័ន្ធធារាសាស្រ្ត ដើម្បីធ្វើឲ្យរុក្ខជាតិមានសុខភាពល្អ ពេលដែលគ្មានភ្លៀងធ្លាក់ ឬភ្លៀងធ្លាក់រយៈពេលខ្លីខ្លាំងពេក ។

លោក Green បានបង្កើតកសិដ្ឋានកាហ្វេល្អ នៅឆ្នាំ ២០២១ ហើយរំពឹងថា នឹងប្រមូលផលសណ្តែកដំបូងរបស់លោក នៅខែវិច្ឆិកាខាងមុខនេះ ។ លោកនិយាយថា មហិច្ឆិតារបស់លោកគឺដាំដំណាំលើផ្ទៃដីប្រហែល ៤០៥ហិចតា ៕