មេបញ្ជាការកងកាំភ្លើងត្បាល់អ៊ុយក្រែន និយាយថា ពួកគេបានផ្លោងគ្រាប់កាំភ្លើងត្បាល រួចរត់ពួន ហើយពួកគេបានឮសំឡេងស្រែករបស់ទាហានរុស្ស៊ី។ 

វាគឺជាទម្លាប់ទៅហើយដែលទាហានអ៊ុយក្រែនធ្វើបែបនេះ ស្របពេលដែលទាហានពួកគេត្រូវធ្វើសង្រ្គាមឆ្លងកាត់ចម្ការមីន និងលេណដ្ឋានរបស់រុស្ស៊ី នៅតំបន់ភាគខាងត្បូង Zaporizhzhia។

ទីក្រុងគីវ និយាយថា ទាហានរបស់ពួកគេ បានព្យាយាមរុញច្រានកងកម្លាំងរុស្ស៊ីសន្សឹមៗនៅតំបន់ភាគខាងត្បូងប្រទេស រយៈពេល ១៨ខែក្រោយការកាន់កាប់របស់ពួកគេ។

ប៉ុន្តែមេបញ្ជាកងកាំភ្លើងត្បាល់ និយាយថា រយៈពេល ៣ខែនៃការវាយបករបស់ពួកយើង សង្រ្គាមពិតជាខ្លាំងក្លាខ្លាំងណាស់។

លោកនិយាយថា កងកម្លាំងរុស្ស៊ីទប់ទល់យ៉ាងខ្លាំងក្លានៅខ្សែត្រៀមមុខតំបន់ Zaporizhzhia ពួកគេព្យាយាមដណ្តើមតំបន់ឈរជើងរបស់ពួកគេវិញ ប៉ុន្តែពួកយើងមានគុណសម្បត្តិជាង បើទោះបីជាគ្រប់ទីកន្លែងត្រូវបានទាហានរុស្ស៊ីបង្កត់គ្រាប់មីន ហើយទាហានរបស់ពួកយើងមានពេលវេលាដ៏លំបាកខ្លាំងណាស់។

លោកនិយាយទៀតថា បច្ចុប្បន្នទាហានរុស្ស៊ីនៅលើទីវាល ជាកន្លែងដែលពួកគេគ្មានអ្វីបិទបាំងនោះទេ ហើយពួកគេ កំពុងព្យាយាមបង្កើតអ្វីមួយនោះទីនោះ។ ពួកយើងនៅលើទីតាំងឈរជើងដែលរៀបចំដោយទាហានរុស្ស៊ី នោះហើយគឺជាគុណសម្បត្តិដែលពួកយើងមាន៕