ឥណ្ឌា ៖ នាយករដ្ឋមន្ត្រីឥណ្ឌា លោក Narendra Modi បានចូលរួមកិច្ចប្រជុំប្រចាំឆ្នាំរបស់សមាគមប្រជាជាតិអាស៊ីអាគ្នេយ៍ (អាស៊ាន)-ឥណ្ឌា ក្នុងរដ្ឋធានីនៃប្រទេសឥណ្ឌូនេស៊ីនៅថ្ងៃព្រហស្បតិ៍ (៧ កញ្ញា) នេះ បន្ទាប់ពីបានមកដល់ប្រទេសអាស៊ីអាគ្នេយ៍មួយនេះកាលពីយប់មិញ។

ក្នុងសុន្ទរកថាបើកកិច្ចប្រជុំនោះ លោក Modi បានប្រកាសថា សតវត្សន៍ទី២១ ជា «សតវត្សនៃអាស៊ី»ហើយបានសង្កត់ធ្ងន់ថា អាស៊ានគឺជាតំបន់ដ៏សំខាន់មួយសម្រាប់គោលនយោបាយនៅបូព៌ារបស់ឥណ្ឌា ហើយលោកក៏បានគូសបញ្ជាក់ផងដែរថា ការកសាង «សណ្តាប់ធ្នាប់ពិភពលោកផ្អែកលើច្បាប់» បន្ទាប់ពីជំងឺរាតត្បាត គឺជារឿងចាំបាច់ដំណើរឆ្ពោះទៅមុខ។ 

មេដឹកនាំឥណ្ឌារូបនេះ ក៏បានចូលរួមកិច្ចប្រជុំកំពូលអាស៊ីបូព៌ានៅល្ងាចថ្ងៃនេះផងដែរ ហើយនឹងធ្វើដំណើរត្រឡប់ទៅទីក្រុងដេលីវិញ ដើម្បីធ្វើជាប្រធានកិច្ចប្រជុំកំពូល G20 នៅថ្ងៃទី៩ ដល់ថ្ងៃទី១០ ខែកញ្ញា ខាងមុខនេះ៕