ជប៉ុន ៖ នៅក្នុងខេត្ត Miyagi របស់ប្រទេសជប៉ុន ស្ថិតនៅភាគខាងជើងទីក្រុង Fukushima ក្រុមអ្នកស្រាវជ្រាវដូចជាលោក Akira Matsumoto កំពុងធ្វើការ ដើម្បីជួយឲ្យប្រទេសមួយនេះ លែងមានការក្តីបារម្ភពីសុវត្ថិភាពសមុទ្រ ។ 

ចាប់តាំងពីជប៉ុន បានចាប់ផ្តើមបញ្ចេញទឹកបន្សាបពីរោងចក្រថាមពលនុយក្លេអ៊ែរ Fukushima ចូលទៅក្នុងមហាសមុទ្រកាលពីខែមុន ក្រុមអ្នកស្រាវជ្រាវ បានធ្វើតេស្តត្រីពីតំបន់នោះ ជារៀងរាល់ថ្ងៃឲ្យតែអាកាសធាតុអំណោយផល ។ 

ការងារនេះ គឺផ្តោតសំខាន់លើការប្រមូលអ៊ីសូតូបវិទ្យុសម្មដែលគេហៅសារធាតុទ្រីទីញ៉ូមពីសំណាកត្រី ដើម្បីវាស់កម្រិតវិទ្យុសកម្ម ។  

លោក Matsumoto និយាយថា លោកមានជំនឿថា ការបញ្ចេញទាំងស្រុងលទ្ធផលការធ្វើតេស្ត គឺពិតជាសំខាន់ខ្លាំងណាស់ ។ 

លោកបន្តថា ពួកយើងកំពុងធ្វើតេស្ត ហើយនិងបញ្ចេញលទ្ធផលឲ្យបានត្រឹមត្រូវ ដើម្បីជួយឲ្យប្រជាពលរដ្ឋមានអារម្មណ៍សុវត្ថិភាព ។  

លទ្ធផលនៃការធ្វើតេស្ត ត្រូវបានចុះផ្សាយនៅលើគេហទំព័ររបស់ទីភ្នាក់ងារនេសាទជប៉ុន ហើយមកទល់នឹងពេលនេះ ពួកគេរាយការណ៍ថា គ្មានត្រីណាមួយត្រូវបានរកឃើញមានកម្រិតសារធាតុទ្រីទីញ៉ូមនោះទេ ។ 

ទោះបីជាយ៉ាងណាក៏ដោយ កេរ្តិ៍ឈ្មោះឧស្សាហកម្មនេសាទរបស់ជប៉ុន បានរងផលប៉ះពាល់យ៉ាងខ្លាំង ចាប់តាំងពីការបញ្ចេញទឹកបន្សាបនុយក្លេអ៊ែរ ដែលជាវិធានការមួយត្រូវបានជំទាស់យ៉ាងខ្លាំងដោយប្រទេសជិតខាង ៕