ព្យុះត្រូពិក Yun-yeung (យុន យ៉ាំង) កំពុងបោកបក់ទៅកាន់ភាគឦសានប៉ែកខាងជើងនៅលើសមុទ្រខាងត្បូងប្រទេសជប៉ុន។ ព្យុះនេះអាចខិតជិតទៅរកប្រទេសជប៉ុនភាគខាងកើត និងបក់ដល់ដីគោកនៅថ្ងៃសុក្រស្អែកនេះ។

ទីភ្នាក់ងារឧត្តុនិយមជប៉ុន និយាយថា ព្យុះ Yun-yeung កំពុងបោកបក់ក្នុងល្បឿនប្រមាណ២៥គីឡូម៉ែត្រក្នុងមួយម៉ោងនៅម៉ោង៩ ព្រឹកថ្ងៃព្រហស្បតិ៍នេះ។

ភ្លៀងធ្លាក់ខ្លាំងរួមជាមួយរន្ទះ ត្រូវបានគេរំពឹងថានឹងកើតមាននៅប្រទេសជប៉ុនភាគខាងជើង និងភាគខាងកើត រហូតដល់ថ្ងៃសៅរ៍។ ក្រុមពពកភ្លៀងធ្លាក់ខ្លាំង អាចបង្កើតនៅជុំវិញកោះ Isu នៅសមុទ្រប៉ាស៊ីហ្វិក ខាងត្បូងទីក្រុងតូក្យូ ចាប់ពីយប់ថ្ងៃព្រហស្បតិ៍នេះរហូតដល់ព្រឹកថ្ងៃសុក្រ ដែលអាចបង្កើនហានីភ័យគ្រោះមហន្តរាយខ្លាំង។

ក្នុងរយៈពេល២៤ម៉ោងរហូតដល់រសៀលថ្ងៃសៅរ៍ កម្រិតទឹកភ្លៀង១០០ទៅ២០០មីលីម៉ែត្រ អាចធ្លាក់នៅ តំបន់ Kanto-koshin កម្រិត១០០ទៅ១៥០មីលីម៉ែត្រនៅតំបន់Tohoku និងកម្រិត៥០ ទៅ១០០ មីលីម៉ែត្រ នៅកោះTokai និងកោះIzu។

តំបន់មួយចំនួនអាទទួលទឹកភ្លៀងបន្ថែមទៀតប្រសិនបើក្រុមពពកភ្លៀងខ្លាំងបានបង្កើតឡើង។ ក្រុមមន្ត្រីអាកាសធាតុកំពុងព្រមាន ពីបំណាក់ដី ទឹកជំនន់ដែលអាចកើតមាននៅតំបន់ទំនាប និងទន្លេពេញហៀរ។ ពួកគេកំពុងទទូចឲ្យមានការប្រុងប្រយ័ត្នចំពោះរន្ទះបាញ់ ព្យុះកំណាច និងសន្ទុះខ្យល់ខ្លាំង។