ឯកអគ្គរដ្ឋទូតអ៊ុយក្រែនប្រចាំនៅទួរគី លោក Vasyl Bodnar បាននិយាយកាលពីថ្ងៃទី៧ ខែកញ្ញាថា ប្រទេសអ៊ុយក្រែន បានដាក់សំណើជាផ្លូវការមួយទៅកាន់ប្រទេសទួរគី ដើម្បីស្ដារច្រករបៀងមួយនៅក្នុងសមុទ្រខ្មៅសម្រាប់ការនាំចេញគ្រាប់ធញ្ញជាតិរបស់អ៊ុយក្រែន ដោយពុំមានការចូលរួមពីប្រទេសរុស្ស៊ី។

ឯកអគ្គរដ្ឋទូតរូបនេះ បានពន្យល់ថា គំនិតនេះ គឺ«សមហេតុផល»ដោយសារតែនាវាដឹកទំនិញបានធ្វើដំណើរឆ្លងកាត់ដែនទឹករ៉ូម៉ានី ប៊ុលហ្គារី និងទួរគីនៃសមុទ្រខ្មៅរួចទៅហើយ។

ចាប់តាំងពីទីក្រុងមូស្គូ បានបដិសេធមិនបន្តគំនិតផ្តួចផ្តើមគ្រាប់ធញ្ញជាតិសមុទ្រខ្មៅក្នុងខែកក្កដា កងទ័ពជើងទឹកអ៊ុយក្រែន បានបង្កើតច្រករបៀងបណ្តោះអាសន្ន ដើម្បីការពារនាវាឈ្មួញចាកចេញពីដែនទឹករបស់អ៊ុយក្រែន។

យ៉ាងហោចណាស់មាននាវាចំនួន៤គ្រឿ បានឆ្លងកាត់ច្រករបៀង ចាប់តាំងពីវាត្រូវបានប្រកាសកាលពីថ្ងៃទី១០ ខែសីហា។

លោក Bodnar បាននិយាយថា ប្រទេសទួរគីពុំទាន់បានឆ្លើយតបនឹងសំណើនេះនៅឡើយទេ ប៉ុន្តែរំពឹងថាទីក្រុងអង់ការ៉ា និងទីក្រុងគីវ នឹងធ្វើការទំនាក់ទំនងលើបញ្ហានេះ នៅក្នុងប៉ុន្មានថ្ងៃខាងមុខនេះ។