រុស្ស៊ី ៖ ការបោះឆ្នោតបានប្រព្រឹត្ដទៅនៅក្នុងតំបន់ភាគខាងត្បូង និងភាគខាងកើតអ៊ុយក្រែនដែលគ្រប់គ្រងដោយ

រុស្ស៊ី ក្នុងនោះរួមមានក្រុងដូនេតផងដែរ។

ក្រុមអាជ្ញាធរដែលលើកបន្ដុបដោយរុស្ស៊ីនៅក្នុងតំបន់ដូនេត លូហាន ហ្សាប៉ូរីហ្សា និងតំបន់ឃើសិន ដែលក្រុងម៉ូស្គូបានប្រកាសជាឯកតោភាគីថាជាទឹកដីរបស់ខ្លួន កាលពីខែកញ្ញាឆ្នាំមុននោះ កំពុងរៀបចំការបោះឆ្នោតថ្នាក់តំបន់ដែលឆ្លុះបញ្ចាំងពីការបោះឆ្នោតដែលកំពុងត្រូវបានធ្វើឡើងនៅក្នុងប្រទេសរុស្ស៊ី។ ហើយការបោះឆ្នោតនៅក្នុងតំបន់របស់អ៊ុយក្រែនដែលគ្រប់គ្រងដោយរុស្ស៊ីនេះ ត្រូវបានក្រុងគីវ និងសម្ព័នមិត្ដរបស់ខ្លួនថ្កោលទោសយ៉ាងខ្លាំង។

នៅក្នុងប្រទេសរុស្ស៊ី អ្នកបោះឆ្នោត បានចាប់ផ្ដើមបោះឆ្នោតនៅថ្ងៃសុក្រនេះ ពោលគឺជាការបោះឆ្នោត ថ្នាក់មូលដ្ឋាន និងថ្នាក់តំបន់រយៈពេល៣ថ្ងៃដែលមានការគ្រប់គ្រងយ៉ាងតឹងរឹង ដែលទំនងជាត្រូវបានបកស្រាយដោយក្រុមអាជ្ញាថាជាការបោះឆ្នោតផ្ដល់ទុកចិត្ដដល់ប្រធានាធិបតីវ៉្លាឌីមៀ ពូទីន។

ក្រុមអភិបាលក្រុងក្នុងនោះរួមាន អភិបាលក្រុងមូស្គូ ដែលមានអំណាចខ្លាំងជាងគេផងដែរ សុទ្ធតែប្រជែងគ្នាសម្រាប់ការបោះឆ្នោតនៅក្នុងតំបន់ចំនួន២១របស់រុស្ស៊ី ចាប់ពីតំបន់ស៊ីបេរី រហូតដល់តំបន់ឆ្នេរសមុទ្រខ្មៅ។ អ្នកនាំពាក្យវិមានក្រឹមឡាំងលោក ឌីមីទ្រី ប៉េសកូវ បាននិយាយថា វាជាការពិបាកនិយាយលលើសពីសារៈសំខាន់នៃការបោះឆ្នោតនេះ។